中藥生髮 V.S. 軟激光生髮邊個好？
中藥生髮 V.S. 軟激光生髮邊個好？止脫生髮成果分享 試做2間至熱門生髮中心：Perfect Hair 髮神 & 髮再生！
好多人都話，男人一到中年就會甩頭髮，「脫髮」呢樣嘢對男人嚟講，的確係無可避免嘅……所以一過咗35歲，我就開始日日望住自己啲頭髮，希望唔好甩咁多……但係好可惜嘅係，我老豆同呀媽都有甩頭髮嘅問題，雖然佢地冇去睇醫生，不過聽人講，如果父母雙方都有脫髮嘅話，咁仔女甩頭髮嘅機會就大增！睇嚟我都係走唔出甩頭髮嘅「魔掌」架啦……
既然係咁，不如我「先下手為強」仲好啦！及早改善頭髮健康，預防甩頭髮，總好過甩到變M字額、禿頭個陣先至去醫呀嘛~講起生髮、防脫髮，好多人都會第一時間諗起生髮水，之但係生髮水係我絕對唔想用嘅生髮產品，因為一旦開始咗用，就要用一世！與其係咁，我寧願去搵吓有冇啲有效嘅生髮療程，一了百了咁養好頭皮同毛囊仲好啦！
就係咁，我就開始咗我嘅「生髮之旅」，為咗唔想中伏，我上網做咗好耐資料搜集，又問咗幾個都有試過做生髮療程嘅朋友，睇吓佢地有冇推薦嘅生髮中心。其實一開始我唔想做啲太過刺激性，驚個頭皮頂唔順，萬一整傷個頭皮，分分鐘本身唔甩頭髮都變甩啦！所有當有個朋友向我推薦「髮再生」個陣，我一聽到佢地係用中藥生髮，心諗：好似試得過喎！不嬲我覺得中藥性質都比較溫和，而且真係有調理體質嘅作用，於是上網睇咗一陣，我就決定去髮再生試試……
我諗好多人都對髮再生聽慣聽熟，因為佢地成日都會係地鐵站、電視到賣廣告，而且佢地係少數出名用中藥生髮嘅生髮中心……本身我上網諗住睇睇髮再生有冇咩療程試做優惠，不過佢地淨係得一個免費頭髮分析可以登記，仲講明要預1個鐘時間……心諗咁都應該做得幾詳細呀~之後我就跟booking日子上去舖頭啦……
其實髮再生講到明用中藥生髮，都預咗唔會即刻見到頭髮生到「baba」聲嘅效果，加上我自己都預咗一筆錢係去做生髮療程，但係估唔到髮再生開嘅價錢比我想像中貴好多！！！我上到舖頭，髮再生嘅理療師幫我做咗頭皮檢查之後，就同我講：你咁嘅case要做我地嘅XXXX療程同XXXX療程(個名太長唔記得……)因為而家你毛囊好多油脂，要清走先可以生頭髮架……而家total 30次療程都係$30,000咋！
我一聽到$30,000真係打咗個突！計返條數都要成千蚊一次，正當我係度猶豫緊個陣，髮再生個理療師就同我講：我地而家可以即場幫你做一次full set療程呀！仲free埋俾你架！試過你就知效果好好架啦！
聽完個價錢其實都想走先，不過既然佢話有得free一次療程，咁就一於試吓先啦！其實過程主要係洗頭、拮頭、噴頭，而成程都係最後噴頭個step先用咗一啲濃縮咗嘅中藥藥水，至於入面有咩成分，髮再生個理療師就冇講，淨係話有中藥成份……之後做曬所有step，就再照多次個頭皮，咁個位理療師就篤住個Mon話，好明顯我個頭皮好多油脂都清走咗，就連毛囊入面一啲塞住咗嘅油脂都沖埋出嚟，而家啲毛囊係可以好清楚咁見到……查實我都唔識睇個頭皮同毛囊健唔健康，佢話有改善、冇改善都好，我都唔會睇得出啦……講完我個頭皮乾淨咗，佢就話：拿，啱啱free咗一次療程，你試完都覺得好舒服啦係咪？(我當時係黑人問號表情=.=”)加上個生髮、養頭皮效果真係好好架，$30,000有30次真係好抵！我地好多本身甩緊頭髮嘅客人，做完呢個療程之後，真係生到頭髮架……
事先聲明，我唔係冇錢，我的而且確係預咗大約$15,000~$20,000去做生髮療程，你話多幾千蚊都過得去呀，但大拿拿多成萬蚊喎……梗係要諗清楚啲啦！……於是我同髮再生個位理療師講，都係想再諗諗，$30,000真心有啲貴……點知髮再生個位理療師就話：依家唔買，你聽日或者之後返嚟就唔係呢個價錢架啦……呢個價錢我地只係做俾嚟試做嘅客，你之後返嚟再買嘅話就貴一截架啦……
雖然佢講到好似而家唔買就蝕咗咁，不過真心$30,000真係好貴囉，萬一做完30次生唔到頭髮，咁我咪要再俾多$30,000繼續做多30次？！之後同個髮再生理療師糾纏多起碼一個鐘之後，好不容易先甩到身，我心諗好彩甩到身，如果唔係分分鐘每次嚟做生髮療程都要比啲員工係咁sell……
雖然只係做咗一次髮再生個療程，當然唔可以話佢好有效果或者完全冇用啦……做完個晚就覺得頭皮清爽咗少少，不過好快第2日又打回原形……同未做之前冇咩分別……可能做多幾次會有明顯啲嘅效果，但係我就唔太想再返去髮再生啦……始終佢地嘅職員都幾hardsell吓，唔係人人都「頂得順」……
髮再生唔得，咁唯有搵過另一間生髮中心試試……之前嘅髮再生雖然係朋友推薦，不過我嘅體驗就唔算十分好，雖然唔係話朋友推薦有問題，但今次再試其他生髮中心嘅話，我就想試吓搵間身邊冇人試過嘅……
之後得閒睇吓Facebook，見到有間叫做「Perfect Hair 髮神」嘅生髮中心賣緊廣告，睇咗佢地啲片，我先知原來而家有種生髮技術叫做軟激光，仲話其實而家好多軟激光生髮技術已經有FDA認證，同生髮水、植髮並列為有效改善脫髮嘅生髮方法！軟激光生髮我真係第一次聽，聽落好似會令頭皮好痛咁，不過廣告入面又話呢種技術係完全無痛，唔知真定假呢？
見到呢種軟激光生髮技術好似幾Work咁，我就決定試試佢，估唔到呢間Perfect Hair 髮神竟然有得免費試做一次軟激光生髮療程，加上佢地係廣告入面寫明，免費試做之後，一共10次療程都只係$2,888！價錢只係髮再生嘅10分1咋！我諗就算唔買10次，只係去做個免費試做都賺咗1次療程啦……所以我就上網登記咗Perfect Hair 髮神個免費體驗啦……
Perfect Hair 髮神個療程叫做F8生髮療程，當時我上到去分店，好快就有位職員帶我入房，幫我做頭皮分析，同埋講解吓F8生髮療程會做啲咩，講咗15分鐘左右，就帶咗我去做療程，估唔到做療程個part極之簡單，只係坐係張櫈到，頭頂有部儀器照住，唔好話痛，成個過程直情可以話係一啲感覺都冇！照咗大約30分鐘，Perfect Hair 髮神嘅治療師幫我係頭皮到再搽啲生髮精華，然後按摩幾吓，成個療程就完成咗啦！
我從來冇諗過做生髮療程會簡單到咁誇張，連部儀器機都唔會掂到頭皮，雖然真係好方便又簡單，但我忍唔住覺得，究竟咁做係咪真係Work呢？就咁照燈咋喎，咁就生到頭髮？
後來做完F8生髮療程嘅第2日，本身我都冇咩為意，不過起身諗住洗頭個陣，摸吓個頭皮又覺得頭油出少咗，平時瞓完一覺，個頭一定笠到癲，但個日係就算唔洗頭，都唔覺得特別油、特別笠，睇落就同洗完頭差唔多咁清爽！估唔到「無接觸式」嘅生髮療程都會有咁明顯嘅效果！
再講返我去Perfect Hair 髮神試做，當時做完療程之後，佢地嘅職員都有同我講吓而家買療程係咩價錢，不過感覺就唔係hard sell嘅……而且佢地同我講個價錢係同廣告入面一樣，都係$2,888就有足10次嘅F8生髮療程，完全冇其他附加收費、隱藏式收費之類……真係明碼實價架！
個陣我見個價錢唔係太貴，絕對係我嘅預算之內啦！於是我就買咗10次F8生髮療程試一試，到而家為止，我做咗6次，每次上去Perfect Hair 髮神做療程個陣，都同我試做個次一樣做法，亦都唔會有職員係我做緊或者做完療程之後，捉我入房係到「日哦夜哦」，要我買多幾十次療程，或者叫我買埋其他生髮療程，總之俾我嘅感覺就係，真係上去做生髮療程，唔會做埋啲無謂嘢！
講吓我做咗6次療程嘅生髮效果，除咗頭油少咗好多之外，頭皮問題都改善咗好多，而家朝早就算唔洗頭，都唔會話未到中午就頭髮笠曬……另外頭頂都見到有啲短短地嘅BB毛生緊出嚟，雖然本身我未有好明顯嘅脫髮問題，不過而家生多啲，好過之後唔好彩甩頭髮個陣先等佢慢慢生呀……
未去Perfect Hair 髮神做F8生髮療程之前，點估到一個唔洗$3,000蚊嘅生髮療程，竟然會有咁好嘅效果，加上Perfect Hair 髮神仲有好好嘅服務態度！其實甩頭髮嘅問題人人都有機會發生，最重要係唔好等佢真係發生個陣先去醫、先去處理，脫髮問題未出現之前，可以透過增強頭皮同毛囊健康，預防甩頭髮問題出現架！我好有信心，做多幾次F8生髮療程，我嘅脫髮問題絕對可以遲好多先出現！
救髮真心唔怕遲，最驚你唔去醫！作為男人，都想各位男士有濃密嘅頭髮，唔洗做光頭佬，如果你都想試試Perfect Hair 髮神嘅F8生髮療程，你地可以去下面條Link登記~放心！絕對冇廣告成分，真係真心分享俾大家！