2008-10-28 22:31:33JanJan
我又做錯嘢喇...
我又做錯嘢喇...好驚俾校長鬧呀...有時佢都好惡架...不過我都抵死既...最衰自己做錯嘢啦...真係好驚...其實都驚左幾日...有時都覺得自己好搞笑...成日做錯嘢就黎打日記叫自己加油,不過總之都係果句啦...加油呀janjan...以後做嘢要小心點...唔好做錯嘢喇....呢度d人好惡架
次次都同自己講要多點打日記,但結果日日都掛住睇電視...我真係一個無乜耐性的人
我同妹妹講話其實做人都好辛苦...做人究竟為左乜呢...出黎工作又煩,成日驚俾人鬧,又要擔心錢,又要擔心健康,又要擔心屋企人,又要擔心朋友,又要同人social,女仔又要顧住外貌,又要顧住嫁唔嫁得出....真係講開都覺得好煩....到呢一刻我都未諗得通...不過我諗我都係一個蠢人,都係唔好理咁多嘢喇...今日唔知聽日事,有時間睇多兩套電視劇好過...
我最近覺得<珠光寶氣>好好睇...晚晚都追...點知阿妹話原來呢套戲的TARGET觀眾係中年人,但係我真係覺得呢套戲好有戲味...話晒大製作,仲去到青海咁遠...點都好睇過<冬瓜飄雨西瓜情>...睇見就唔開胃...好可惜同時段亞視既<還我明珠>更老套...迫住我最後睇新聞台....
其實………我同袁師奶都有追<明珠>……