今日我陪朋友去咗"利時"行街，其實我覺得"利時"對於我呢d一把年紀既人真係唔係好啱架，d衫大部份都好誇張，超級colourful，打死我都唔會著，有d好靚既就好貴囉，好似我睇中一件白色衫竟然要$539，嚇死我，真係好普通架乍喎！當然結果我冇買啦，我呢d死窮鬼，邊有錢買呀！

不過，我朋友仔就買咗一件超級sexy既衫，好似tube top咁既款，仲要係火熱熱既黃綠紅三色間，佢買之前問我件衫靚唔靚喎？我覺得呢d好見人見智架喎，不過件衫都幾襯佢個look，事關佢都幾型架！如果加件外套著都ok既，我都好想睇下佢著成點呀，其實我有時都會想試下就咁著件吊帶出街，因為有d吊帶衫真係好靚，加外套又好似好熱喎，同埋冇咁靚囉，不過，始終唔敢囉.....獻醜不如藏拙麻！