有一次係報紙專欄睇咗一篇文章，介紹德州兒童文學作家Michael Ende，就好想睇吓公共圖書館有冇尼個作家嘅書。 我就睇咗佢寫嘅 The Neverending Story，內容講述男主角 Bastian 係一個膽小懦弱嘅肥仔，經常俾同學欺負。有一日逃學，走入一間舊書店，仲偷咗一本書，尼本書就係The Neverending Story。 之後佢偷偷潛入學校閣樓睇書，睇吓睇吓仲走入書中，拯救魔域世界。

尼本書好特別，全書共27章，而第第2至27章(即係Bastian 所睇嘅The Neverending Story)，開頭字母分別順序為 A-Z，即係話第2章第一個字母係A，如此類推。係咪好神奇呢! 我都係睇咗幾章先至發現咋!

另外一樣好吸引嘅地方就係，男主角係魔域世界所講嘅故事都會變成真實!!! 仲有就係拯救者留係魔域世界越久，佢對現實世界嘅記憶就越少；d記憶好重要，係幫拯救者返回現實世界，不過就唔係人人都能夠返回現實世界，因為以前有好多拯救者最後連自己叫乜都唔記得~

而男主角 Bastian 成功拯救魔域世界，但就差d返唔到去現實世界，真係睇到我一額汗!

尼本書可謂奇幻驚險，好似將你帶入幻想國度，真係好值得大家睇睇。