最近看多了一些fantasy 嘅書，如Cate Tiernan 嘅 Wicca系列，Diane Duane 嘅Young Wizards 系列，Garth Nix 嘅The Keys to the Kingdom系列等等。(不過圖書館只得頭3本The Keys to the Kingdom小說：分別是Mister Monday, Grim Tuesday 同Drowned Wednesday。唔知其餘4本會係點呢? 好期待! 另外又好想睇Garth Nix 所寫嘅 The Seventh Tower系列。)

又剛好給我找到Lemony Snicket 所寫嘅A Series of Unfortunate Events #1 The Bad Beginning， 咪就係部電影嘅頭三分一囉，真係好精彩!!! 到依家我仲好記得Count Oalf 嘅怪雞造型!

不過講到最瘋癲的是看了一本瘋癲的小說，叫 A House Called Awful End，Philip Ardagh 所寫嘅。一睇個書名就知瘋癲啦，邊有人叫自己間屋做Awful End㗎，不過真有其人，就係故事裡嘅 Mad Uncle Jack 同 Mad Aunt Maud。不過佢哋都唔係主角，但係就令到個主角好慘!!!主角係一個小男孩Eddie，佢父母得怪病，全身發黃兼起皺，聞起來似熱水壺。為咗唔會傳染個仔，就將個仔交託俾Mad Uncle Jack 同 Mad Aunt Maud照顧。 之但係未到Awful End， Eddie 就無端端入咗孤兒院。真係怪事年年有，尼本書特別多!!! 例如去到旅店休息時，Mad Uncle Jack 竟然叫Eddie 去睡馬房，而隻馬反而睡房間!!! 不過Eddie 最終能夠同父母團聚。

小插曲：Wicca 系列其中第10本講 Hunter去加拿大某小鎮尋找失蹤多年嘅父親，而尼個小鎮有些居民講法文，好彩我有本英法字典，唔係我都睇唔明囉~ 記得當年睇Daddy-Long-Legs，有幾封信穿插咗一些法文，根本就睇唔明，後來找了本中譯本對照一下先知道講乜。所以有本字典傍身係好有用!