又話等呢個新聞台老死, 以前經過一段時間無野寫, 個新聞台就會自動消失, 但係今次好耐無寫野, 唔知點解佢重係度, 真係奇啦...........

距離上次寫日記時間己經係成年前, 今日睇番又覺得自己寫得幾暢順喎, 哈哈哈. 今日睇左一個朋友的日記, 其實以前我都有一個同類型的日記, 但係佢每逢你兩星期無寫日記呢, 佢就會自動提你寫, 再唔寫的話, 個日記就老死, 之前我好懶, 每次都係催我時就打一篇, 但係過左一段時間, 我諗左好耐, 覺得呢個網上世界始終都係假的, 留咁多野係網上, 咁做咩自己唔好好咁寫個日記呢? 寫日記都係想寫番d自己好想留番的記憶, 但係呢d回憶又有好多係唔想人知=.=" so...... 我覺得都係唔好再寫啦, 雖則個日記只有我一個知, 但係我點知有冇人search到喎, 所以最後0個個日記老死左....

今日睇完人地個日記, 居然又癮起, 正所謂"姣婆守唔到寡". 不過唔睇又唔知原來佢係大學的教授, 居然係我十幾前年讀初中的history miss @@" 呢個世界真係細啦.