這是我想對某朋友說的話︰

(但其他朋友請不要瞎猜那個”你”是誰，如果這些話對你有用，或是打動到你，請自行對號入座，就當是我對你說的。)

好想同你講，好想你可以開開心心，想你唔好咁輕易放棄。雖然我係唔會知你發生咩事，而我亦都唔會去問你，你要講你自會講啦，所以唔想煩你。記住呀，唔開心既感覺係源自你想自己唔開心而出現，你根本可以選擇自己去開心。

仲有呀，無論你信唔信主都好，神其實真係好愛你o架！每次遇到o的咩困難同(自己以為)絕望o既事時，其實神已經安排o左好多個機會同道路俾你去選擇o架。你而家要做o既，就係一直向前行，因為時間係不斷向前嘛，你絕對走唔番轉頭。或者，你好快就可以再次得到你之前以為會失去o既o野，一直向前走啦！(有時，真係快到你同我都估唔到架)

或者，o係你睇到我呢段說話前已經無晒事(希望係咁)，開心返~

希望你無論o係開心定唔開心o既時候，都記得我呢個好想你開心o既朋友啦！唔好要其他人擔心呀！o係唔開心o既時候，找一個空曠o既地方，感受一o下風o既吹拂，除o左可以諗起我呢個可有可無o既朋友(哈哈~)，仲可以感受o下大自然對你o既愛。

Pray for you!