你再唔做咪太遲lor,最重要你真係去做唔齋talk,你有lee個覺悟,即係你的理智好清楚而家係乜野一回事,咁請你積極去做你想做的,唔好再俾自己藉口,唔好話自己冇時間(時間係你可以控制同選擇,你才是生活的主宰,而唔係生活控制你.),唔好話番工好累(因為你己經瞓得多.),唔好再俾自己後悔,唔好再俾自己講&quot如果當初我xxx..&quot,只要肯有心有力去做,肯珍惜眼前人的話,即使能付出的只有少少,對家人都係一種&quot安心&quot.(別忘記,即使住埋一齊,Auntie都會掛心你的事,更何況你已搬出去呢.)
我相信Auntie亦不至於自此就要你常陪伴在旁,但至少比以前,你要多&quot現身&quot, 回家吃飯也好,請佢出去食也好,只不過要求多見你幾眼.甚至只係希望你多打個電話去關心下,或者傾下計,可能係生活鎖事,天氣,健康,那怕即使係沾不上邊的話題,只要你想開口,Auntie都會好樂意聽,反之,只要你騰空30mins聽佢講亦可.
在電話鍵上按8個數字,一個簡單的動作,就能改善而家的狀況!(拜託,大家都身處同一個香港,為何一個電話能解決的事要拖~咁~耐;食飯訂枱又唔見你咁猶疑?!^^)
俾個貼士你:一年365日,要你抽空幾日都唔過份,更何況只要你幾分鍾,但我相信其實只要你間中打電話俾佢,每次傾10多鐘,勝過你隔幾個月先罕有地約一日出來見面(可惜你以往都好少一整日&quot奉獻&quot俾你的家人),持之而行,相信兩者間的關係,可以尤如你冇搬出去一樣.lee個方法有冇效?其實你就係最好的見証人-我的老死.好知己.

Ps:今次說話多左,若你今日認為我講得太盡,請唔好見怪,要&quot話得更恨更甘,才能反省得更透更真.&quot正如你當初勸我積極減肥,我都諸多藉口,多次死性不改,但今後已經&quot以刀仔吉大脾&quot的形式決志改過,我己經向目標出發,請你都坐而起行吧!若有任何需要,我好願意將我同你約好的日子,讓俾Auntie.