於現在的公司剛好返了一個月工了!
感覺蠻不錯!

d同事對我好好，大家都好肯教我野，教我的時候也都好有耐性，又唔怕我煩，但就成日好鬼死客氣囉!成日「唔該」前、「唔該」後的，弄得我都不好意思!

有時我有d工作上的知識唔係好識答d客，佢地都好體諒我，常說:「係咁架啦!你唔係做開呢行!放心，你慢慢就會識架啦!」

我的英文唔係幾好，但我d客就偏偏係外國人佔了九成以上，初時真的唔係好慣，因為有時會聽唔切，有時有d家俱用品的英文名會唔識，尺寸會唔熟唔記得，但係慢慢我都開始記到好多，亦都開始應付到。雖然d英文唔可以話好左好多，但都有少少進步咁囉!呢個都可以算是意外收穫!

以前真係好怕同外國人講野，但係而家見得多都開始無咩感覺!同埋，初時都因為有好多工作上0既野唔識而感到有點壓力，個人好緊張，但而家都覺得好左好多。因為學我同事咁講:「呢度無咩需要驚個喎!」他說:「我地會睇住你唔會比你一個人!」講真，開始的時候我都幾驚架，但而家開始無咁驚啦!因為佢地真係講得出做得到，成日都有睇住我!

我間鋪地點偏僻，而閒日都咁有閒情日致來買野的人個個都係非富則貴，個個都有幾個工人跟身，買野都買得好爽，好少話左諗右諗拿discount (最多都是諗尺寸同襯色)，駕車來的人佔大多數，試過有個客一次買二十幾個cushions，同好多濕碎野，多到我都唔記得，我問佢工人做咩買咁多cushions，佢話佢地新屋入伙，間屋有成5層，所以20幾個真係唔算多....嘩!呢d真係唔係我想像到的生活..

而且外國人好多都好nice，在香港，如果你去買野的時候，作為一個香港人，有好多時候我們都會對d sales的打招呼視而不見、聽而不聞，因為你會覺得對方係有機心，而對方同你打招呼也只是當例行工事、機械化的碎碎唸隨處可見、假到痺的女高音也往往令人吃不消。相反，當我地同d外國客打招呼的時候，10個有9個都會好nice咁笑住回應:” hi,how are you? ”令彼此間的互動比較隨意和親切，或者呢d就係文化差異啦!

感覺上，我會覺得外國人的感情比較直率。好多時，我去買野，就算我好喜歡那件東西，我都唔會表露出來，因為1)我怕對方sale我 2)我怕佢在我講價時企硬唔減。但係，有時我會覺得有d外國人坦白得好可愛，因為佢地會講 ” I love this very much! ” ” I really want to take it! ”

同埋，外國人買野有一樣比較有趣的是，他們很多時候並不介意比原價去買一件有點陳舊的陳列品，只要那件貨品沒有損壞即可，所以佢地好欠時都唔會要求要新的，會直接拿陳列品比錢，有時候甚至，我們想拿件新的貨比佢地，佢地都會話唔駛。相反，我們中國人好多時會覺得，「我比左咁多錢當然唔想要舊野啦，如果無新0既就幾鍾意都唔會要」。

而有時當我們同佢講件貨係「最後一件」時，香港人會扁扁咀話:「下!咁有無discount先?」相反，有d外國人會好開心咁笑住話 ” ha~really? How lucky am i !”

講住咁多先下，下期再續.....