今晚情緒曾經一度低落
亦都很激氣...氣得流了淚出來
都只因為一個我好耐冇見既人
亦都係一個我曾經好喜歡的人
但都已成過去...
呢個人到了今時今日都成日窒我
講野完全唔顧別人感受
我每次都會唔夠佢講而避開同佢爭論
但我今日我突然間覺得受夠了
同佢分開左都3年多
我都有年幾冇見佢了
但佢呢個人仍然冇變過
一樣都係咁自以為是
今日佢再串到我最盡果一刻,我終於爆發出來,我認真咁問佢:點解你永遠都係咁樣,永遠都唔理人既感受...
鬧左佢好耐
之後男孩子一定會答:咁你認識我到而家都係咁架啦!!你就下我囉...
我就答佢:點解你唔想想,為何要我去遷就你,點解唔調番轉諗下其他人感受??
直到佢對我send了差不多10句對唔住之後,我腦海突然浮現好多以前同佢一齊的回憶,眼淚不停咁流出來...
佢仲話原來一直都唔知道我係咁接受唔到佢叫我原諒佢
我呢一刻突然間覺得同佢隔膜細左
大家對對方都坦白講出自己的感受
佢話以後都唔會對我咁樣
呢件事就咁就完左啦...

我希望經過今晚的事之後
我同佢真的可以認真咁做回一對真正的好朋友
大家再沒有什麼唔講得既野
可以坦誠相處
這是呢一刻我最希望的