有冇比人話過貪玩呢??
大家聽到之後個心究竟會想什麼??

聽到貪玩2個字
普遍既人通常會用唔認真,遊手好閒‧遊戲人間等等貶義的詞語形容

呢排身邊不同的朋友都不約而同咁叫我
儲錢啦~~唔好掛住玩啦~~留番個錢啦~~
今晚我因為呢個話題同我好朋友鬧左場交
我怪我的朋友,並不了解我的處境
佢唔明點解我成日都提住要玩
佢唔明白我咁貪玩背後的意義

好多人話
貪玩的人背後原因都是想逃避責任及事實
說法好像很一面倒
但大家有沒有想過
有人貪玩的背後
可能就係為了早點面對現實呢??

咁講好似好模稜兩可
但如果你清楚明白貪玩的人的處境之後
會否對貪玩呢2個字又有另一個新的睇法??

一般人,會對自己的未來充滿憧憬
充滿幻想及周詳的計劃
拍拖、與心愛的人結婚生仔，養育子女成材、到最後子孫滿堂....
是一個普通人的完美生活
備註:如果中間沒有任何差池既話。如天災人禍，疾病纏身等等

但...
世事有時並非那麼完美無暇
如果touchwood講句
有一日比你發現你有病
突然之間...所有預先設定好的完美計劃
通通都不能如你意願達成
你的生活亦起了巨大變化
你又會對你未來的生活
還有什麼期望呢??

比我答呢個問題
我會選擇做一個得快樂時且快樂的人
既然你沒有辦法去掌管自己的未來
為何不現在活得快樂一點
盡興一點...

每個人的觀點與角度都不同
有人覺得安份的儲錢,積穀防飢
又有人會覺得,今朝有酒今朝醉
今日唔知聽日事,你不知道在這世界上自己仲有幾多時間
點解唔玩盡佢喎

我只是想講
貪玩並唔係逃避現實的人的專利
有時可能是令人提早醒覺接受現實
不要單一角度衡量批評貪玩的害處
玩的背後
可能收藏著一些不可告人的及不為人知的事
應從多角度出發了解內裡的真相
明白貪玩的人內心所想
不要魯莽下決定
標籤這班人的生活態度