今日又係比人嘈醒，今次係阿媽，佢今日唔洗返工，叫埋我同阿爸出ｍｋ食ｌｕｎｃｈ～去左大久保食，真係ｃｈｅａｐ到嘔呀！！刺身淨係可以叫一次，其他「垃圾」先可以任食，頂佢丫～阿媽好似方死執輸咁，係咁叫，又話食足佢兩個中頭～我心諗，邊得呀？！得ｓ咁既野食～果然！食左一個中頭左右就走啦！！！仲要一百四十幾蚊，真係勁唔抵！！

之後佢地去行街，我自己搭８１ｃ返屋企～返到去，ｉｃｑ左一陣就訓晏覺，因為真係好眼訓呀。夜晚又話要同ｌｏｙｉ出街啦～～

叫左ｌｏｙｉ五點半叫醒我，因為我知道我一定唔知醒架～佢五點半打泥，點知我又訓返，佢六點再打，話而家走啦，我先即刻起身～～去搭ｖａｎ仔去大圍ｋｃｒ，極快呀！快過ｌｏｙｉ係火炭泥添呀！！

之後同佢出左ｍｋ，行左一陣，去左食野，唔記得間野叫咩名，不過係係女人街入面既～ｄ野都ｏｋ啦，可以接受～不過同One One Pasta 差好遠，真係一分錢一分貨～食完野又開始行街啦～～行行行～都冇咩睇中野，想買衫，但係又唔靚喎～！真係丫～係旺中睇中左個袋，點知ｌｏｙｉ又話唔好睇，叫我唔好買～！！真係丫！！！！！最後既戰利品只係五隻ｅａｒｒｉｎｇ，真係無奈～！

行去太子搭８７Ｂ返屋企～