我消失左兩個幾月啦！我一唔露少少尾出黎，D人就真係當我死左，ICQ又冇message，電話又唔響，email又冇新野~ 我都終於知道我真係冇人冇物！
都好彩，冇左佢地，我都識得自己幫自己成長，都知道只係靠自己既力量係唔夠，但靠著　神的力量，我自己就算只係靠自己，都可以不斷成長！啊呵呵～

我都知我呢世人都會係一個人咁過架啦！但唔打緊啦喎，其實諗諗下都有D慣架啦！不過有時都好ENJOY一個人的感覺，返而多左人會有D唔自然～或者，其實只係自己係度迫緊自己去鍾意一個人的生活，但ANYWAY，我第時一定係一個人，因為我都決定左，就真係唔想改～我一直都希望有自己的物業同事業，一個人一間屋返而仲適合我，因為呢個其實都係我一直嚮往的生活，或許係因為我由細到大，自己的私人空間始終唔夠，一個人住，發起癲上黎，死左都冇人知就最好！

而對於愛情，有時真係想下，總比真正擁有來得更好！我都唔敢要，什至有D恐懼添！或者係我唔敢相信一個男人可以由陌生至到了解，至到接受我的缺點，直到死個一刻～好恐怖～諗下諗下，仲有D毛骨悚然的感覺！可能係我唔鍾意比人知道我的缺點同醜態掛！都真係幾爭呢種感覺！婚姻，係一樣好高深的學問，我自問就真係唔係好敢TOUCH！比你遇倒個好的，就當係比你執倒身彩(係　神比你的大大恩典)；遇倒個唔好的話，就真係苦過麥豆，死左去好過！更何況，我又唔係傳統的女人，一定要結婚生仔～我係新時代的女性，我可以靠自己，有自己的事業，做自己的事！愛情同事業比我任擇其一，我當然係事業人啦！
可能有D熟人會問我，"你唔係鍾意細路仔的嗎？你唔結婚可來小孩？"　咁我會話，唔係同自己的老公生的話，都冇意思啦！更何況，我如果真係想要個細路，我可以領養的嘛～
我唔要行前人的路，我係我，我要行的，係自己的路！但我都知道一點，我的一切，都是在祂的掌中！