顏小肥同學真係好有啊奶燕嘅心，知道三月廿五係奶燕嘅生日，神咁早就嚟到學校，企響個講台度同啲同學講：「今日係奶燕嘅生日啊，等間如果見到奶燕嘅話，大家就同佢講聲生日快樂喇吓，多謝晒~」
之後又同神棍講，叫中午嘅時候佢哋嚟個調虎離山之計，調啊奶燕出去，之後就借機佈置班房，拎埋金魚自己定嘅蛋糕同一個大家夾錢買嘅當係禮物咁話。
計畫就咁暗瓦底進行當中……
好喇，萬事具備，只欠東風。點知原本話一早預定好嘅生日蛋糕竟然仲未送到蛋糕店，靚靚就話喇：「嘩，蛋糕店冇蛋糕，仲叫「蛋糕店」嘅！？」
大家驚奶燕隨時都會返嚟，於是叫顏小肥拖得就拖，正當大家心急如焚之際，細粒同啊+Min落咗去，睇嚟個蛋糕都終於到了。
拎上兩件餅之後，大家又係放窗簾，又係熄燈。阿Po仲探個頭響窗邊，幾鬼靈異啊……
今日壽星終於登場，由顏小肥帶路，一開門大家就「生日快樂」，特登唔講「Happy Brithday」，因為驚講唔准，阿Po都唔知幾贊成。奶燕遲遲都冇咩反應，仲以為佢唔會喊，轉過頭佢已經喊到七彩咁樣。
開咗蛋糕盒，見支蠟燭都就嚟燒埋件蛋糕咁制，大家就嗌奶燕吹蠟燭，奶燕許完個願，吹熄咗蠟燭之後，大家都叫佢快啲吹熄埋隔籬個件。誰不知奶燕竟然話：「我邊有咁多願望啵……」
吹完蠟燭，梗係切個戟（cake），奶燕快快手切咗佢喇，點知奶燕唔捨得切，聽罷，眾人不支倒地……
又大一歲，希望奶燕唔好再咁鬼弱智喇……當我冇講過喇，都係。