新人事，新氣象，前任嘅正班長（監仔頭）就被卸落嚟啦，取而代之嘅係副班+Min，咁又係，人哋+Min民望高企，梗會扶正咖，全班差自己一票同唔知乜水寫錯之外（本身意思都係投+Min咖啦），同啊監仔頭啲票數一比，簡直蚊髀同牛髀啦，冚班就得阿君同虹姐兩個投佢之外都冇人吼冇咖啦，不過阿君純粹係玩啊監仔頭，投佢票不特只，重要個個應選人士都唔寫職位，淨得監仔頭指明工作咁話，重要至好待遇嗰只，之唔係「勞動委員」囉。相反，虹姐一直都幾「白鴿眼」，見高就拜，見低就跩，一心重諗住心目中不嬲都「英明神武」嘅監仔頭會坐硬莊咖嘛，點知真係「天有不測風雲，人有霎時禍福」，被壹仔上位咖啫，砌底咗冇得做正嘅不特只，重要連個副嘅都唔中，真係折墮成咁，唉。
虹姐一收到風，即刻「啊」一聲，鬼咩，有捉蟲啦，心諗「死火，雖然之前對壹仔幾好下，但收尾轉移目標……今次真係偷雞唔成食渣米。好彩，我平時對微笑王子（大班）都唔賴，起碼有個安慰獎，跌落地都拿返渣沙。」點解咁講？人哋大班做學習委員啵，大官嚟咖，你鋪話法。
另外，想講吓自從神棍好忙之後就唔得閒去報台，於是就放個留言台俾阿Ling去handle，接手嗰日神棍就吩咐阿Ling去放新Topic，唔放重由自可，一放真係死得人多，神棍嗰時又好忙，信得過Ling就冇上到去睇。點知第二日，壹仔
（做咗副班啦，恭喜晒）問神棍：「你搞咩啊？」
「我搞咩啊？」神棍一頭霧水。
「點會擺監仔頭個相咖？！戴住頂Nike帽，都唔知堅定流嘅，重伸只左手喺度「耶」！又叫我哋投票，男女各三個，咁鬼煩，我費事寫啦。」
「我都冇整嘢，阿Ling咋嚇？」
「不過叫我投至好人嘅話，監仔頭啦，實有嘅，冬菇頭啦，虹姐！監仔頭同虹姐俾人任講唔嬲嘅，重唔好人？」
監仔頭被「蓄勢待發」都整到好呢嘿，之後重要話「我忍！」……忍咩啊？忍尿啊定忍屎啊？孰可忍，屎不可忍啊，做忍者嘛忍……講心嗰句，固然有啲人面目可憎，但杯葛人哋都好慘咖，歧視不存在，世界更可愛啊！