首先要祝葉太生日快樂，
她今天要到婆婆家，我和小畸選擇留在家。
這篇日記不是寫媽媽，可惡的瑪姬！
其實不難選擇的事情，變得難以決定，為甚麼呢？

一早跟安安到apm看電影，
又再一次證實翻譯很重要。
英文名是「be kind rewind」，
但中文名是「低清老翻王」。
唉！「唔怕命生成，最怕改壞名」，
明明意思深遠的電影，因戲名而變得「低俗」，
香港人的理解能力及中文程度真是如此低劣嗎？
我知道這齣電影有特別意思，只是…
應該可以拍得更好吧！又也許心不在焉，
看後，有點想不通透的感覺。

閒逛，談起近日的事。
令到安安有點亂，真不好意思，
因為，我都很亂。
是因為刺激，是因為自私，是因為好勝，
是因為無聊，是因為悶，是因為…代替？
有無限個可能性，也或者是只得一個可能性。
「其實阿A可以唔作考慮…」我說。
「無錯係丫…」她說。

「道理上，應該兩個都唔好要…」我說。
「其實都係咖…遲早有日會爆煲…」她說。
「唔好啦~~~我好難得搵兩個人…
去sip我d時間…等我可以忘記bebe…」
「唉…其實佢係唔係真係影響得你咁深呀？」她問。
「…」我無言。
「即係咁~~有d感覺係解釋唔到咖…
好似我同你咁…我都唔知點解對你特別好咖…」
「…」我依然無言。
「會唔會係又係0個d呀…
得唔到既野就永遠最好呀？」
「…咁好多男人我都得唔到啦…」我說。
向來我都不贊成以另一個人去代替一個人，
因為根本沒法代替，但我現在…
好像進行著這樣我反對的行為。

不停地想安安的說話，
實在，我近來想著的都是他們的事。

回到家，整頓亂七八糟的衣服，
腦袋依然沒有停下來。問小畸：
「如果你有男朋友…又鍾意第二個…
你會唔會覺得內疚咖？」
「你即係話一腳踏兩船？」她問。
「嗯…」我答。
「做得出就唔會內疚啦…」
「但係…」
「不過我睇你都係好樂在其中咖喇..」她說。
我哈哈大笑。有時不得不承認，
我妹妹小畸的確非常了解我，值得嘉許。
她又說得沒錯，兩個男人，
兩個感覺，兩種被對待方法，兩種享受…
不只是男人，其實女人都會想享盡齊人福。

「但係…但係…」我追至房間，
想向小畸解釋時，她說：
「唔好扮有良心啦你…」
又一矢中的。=.=
我不是扮有良心，我知我沒有，
但想到後果，不其然會有點膽怯。
「我唔係扮有良心呀~~~
我真係煩緊…唔好見我笑住講…
其實我係認真同你講…」我說。
「我都好認真咖喎…
你唔駛扮有良心喇你…」小畸說。

如果有良心的話，我一早「一拍三散」，
但我遲遲都沒行動，不是因為沒良心，
而是貪心。

在msn跟蓉蓉談私事，(事實我倆之間早已沒有公事…哈哈)
談起 --- 報應。
「報應」兩字如尖銳的刀子般，
一下的刺到我眼簾，我腦袋，我心…
對！沒錯！這會有報應的！

我一向深信上天是公平的，
你怎對人，人怎對你。
今天你搶人家男朋友，
明天別人來拐走你男朋友。
我深知這個道理，這個後果，
被別人搶去身邊的人這個情況，
我不願在我身上發生，never never…




但為甚麼，為甚麼…



還跟自己說：「我都無搶走佢…
我都無叫佢同人地分開…
咁我地對大家都有feel…咪一齊囉…
我唔介意佢有另一半呀…」
這樣地催眠自己，遊說自己，
自己並不是破壞別人幸福的壞女人，
從而令自己的心裏過得好點。
究竟，發生了甚麼事？





曼娜說過，我追求的不是工作上的滿足感，
而是生活上的刺激感。無可否認，
近來的事情有夠刺激，我亦相信，
如果我有心有力、鬥智鬥謀、
拋棄道德、埋沒良心的話，
這個遊戲並不難玩。



曾聽說過，如果你同時喜歡兩個人，
事實上你兩個人都不喜歡，你最愛的…
是你自己。對！我很愛自己，
所以放手讓任性的自己做一些做事。
亦都因為我愛自己，我不想將來的我痛苦，
所以很想為自己積點陰德，留點福。

天使瑪姬，想瑪姬乖乖，想瑪姬快點狠下心，
將不應留在身邊的人統統剷除，寧願悶一點，
寧願沒人陪，都不想做一些錯事影響其他人。

魔鬼瑪姬，想瑪姬曳曳，想瑪姬置之不理，
任由事情隨心隨意隨別人的安排發展下去，
寧願內心掙扎，都不想有丁點兒空檔騰出。





應該及時行樂，任由自己放縱下去？
還是對別人公平，令故事盡快終結？