昨日沒有上班，
今早提前回到公司，
看見像打仗完畢的桌面，
文件雜亂無章的放在一起，噢…
這是休息一天的代價。

做到天昏地暗，
又是下班的時候。
今晚是全體員工一起吃自助餐的日子，
到美麗華商場地庫的todai吃海鮮自助餐。

生蠔不肥美、生文魚不肥美、
壽司一般、熱葷一般、服務一般、
甜品麻麻、場地麻麻、氣氛麻麻…
唯一可取的是即做的梳乎厘及鰻魚燉蛋。

甜品很弱喲，相信小畸的手藝比他們更好。

吃得很飽，本想跟sharon去看戲，
逼老闆給我們五百元去看戲，
到最後，只得我、sharon、阿佳及家俊，
在街上遊遊盪盪。
家俊一直「吊」著sharon尾，
原因：sharon是家俊的債主，
家俊每天只可以提取一百元正，
今天的一百元，還未到手。

我從未見過一個男士，
會求天求地的求一位女士給他錢，
我忍不住的說了一句：「家俊…
算啦…你陪李小姐一晚啦…
你陪佢一晚佢會俾錢你咖喇…」
家俊賤口又發動攻勢：
「…嘩…陪完一晚…我驚成晚訓唔著…
一個星期疴唔到尿…我呢一世…
都唔知點過…諗起都…」
漲漲的胃被家俊這個笑話，
弄得更痛。

「喂呀~~~你好俾錢我喇…
我琴晚返完大陸…衫都無換…
依家又同你行左幾條街…
衫又無錢買…我都覺自己臭呀~~~
俾條生路黎行啦…」家俊哀求說。
「係咩？我覺得你無味喎…
我有香水…你要唔要丫？」我問。
「係？攞黎先丫…」他說。
「下？你唔係真係用呀嘛？」我奇怪地問，
隨手從口袋中拿出迷你香水給他，怎料…
他真的噴到他的身上。
「傻咖你~~~~~隻味咁甜…
你都照噴~~~~女人香水黎咖…」我驚訝地問。
「唔理得咁多咖喇…噴住先…」他說。
噢…簡直出乎意料，亦使我呆住了，汗顏…
其實今天帶錯香水出街的，
原本我想帶一支較中性味道的香水，
怎料出門時忘了放在口袋，
然後在手袋裏找到這糖果味的香水，
所以今天只有「一種味」在身。

家俊有夠貪靚，
糖果甜甜味的香水都不放過，有點…

沒有想看的電影，
選擇逛街。
逛廟街，可惜沒有銀彈，
否則我一定大買民族服。