我上班僅僅兩個月，
沒甚經驗，但…
需要處理的為何會這麼多？

今天八時五十分回到公司，
目的是開門。
自從我每晚工作到九時十時，
經已不能夠準時回到公司。
這天卻是新的安裝師傅上班，
被安排要最早回公司開門給他，
因為暫時不可以讓他知道鎖匙的位置。

還記得我只上班一個星期，
就已經自己開門、關門。
同事說新師傅不可信，
起碼要兩三個月後才可放心，
所以同事決定和我一起早點回公司。
最大問題是…這位同事和我，
每晚都是最遲離開公司的人。

除了安排工程給他，
還要監管他？不是吧？
我明白整個sales team的工程，
送貨安裝的全都是我安排，
但…總是怪怪的。

本來今天是不太忙的，
以為可以八時多九時便下班。
我將堆了兩星期的文件存好後，
滿心歡喜地以為可以下班，
誰不知一個電話…

「喂~~maggy呀…我砌唔掂d野呀…
我唔知個書架係吊定唔吊…」
然後便進行連轟式的電話攻勢。
打給阿佳、打給阿喜、打給阿彬、
打給patrick、打給師傅...重複…
打給patrick、打給阿喜、打給阿佳…
找到阿喜答應明天一早到客人安裝，
怎料客人打電話到公司：
「maggy…你依家算點先？
叫左個師傅黎…做唔掂…
你依家叫佢走…？聽朝先做？
唔得！一定唔得！
你今晚幾夜都同我搵個師傅返黎攪掂佢…
你知唔知呢度係物流部黎咖…
因為你地要砌野…成個部門拆哂d野…
全部人停哂黎等你地黎裝…
依家你話聽朝先砌？咁我地唔駛做野啦…
我唔理你今晚做到十一點十二點幾…
總之你一定要搵個師傅今晚攪掂佢…
我要聽朝九點完全正常運作…」

雖然阿喜不能幫手，
都謝謝他安慰我。
「聽朝？好難喎…
除非你笑返啦…你笑返我就應承你…」
謝謝阿彬俠義相救：
「我岩岩先返到屋企咋…
依家食緊野…做咩唔早d通知我呀？
唉…我十點度過去啦…
搭車都要時間咖…」

聽了一句令我非常不甘的說話：
「你明知0個個係新人…
你就唔好俾呢單野佢做啦…」
有夠惹笑。
我經驗不足，
我不能單靠數量…
五件屏風兩張主枱兩張側枱三個書架，
來評定難度高不高、所需時間長不長。
事前，亦即是上個星期六，
我問過：「俾呢單野佢做有無問題？」
但我得來的反應是：「幾件屏風兩張枱咋喎…
唔係唔識砌呀？好易之嘛…」
我懷疑地問了不下五次，
大家的反應都是說：「唔係好多之嘛…」
我就是單憑最具經驗的你，
去判斷新師傅能否獨力完成。
怎料你現在竟對我說：「你唔應該俾佢做啦…」
雖然最後你都很盡力地協助我，
但我最不忿的是，我已經問過，
你亦已經看過工程單…
到最後，我竟然被怪責。

我無話可說。

想下班，但又怕有突發事件，
將公司電話碼轉駁到自己手提電話。
在巴士上不敢閉目養神，
怕耽誤了些甚麼；
現在十二時了，不敢洗澡，
怕突如其來的壞消息又殺到。







我不是氣餒，
而是我真的真的…很累。




我
想
哭



「老公………..我好想喊呀~~
我好累好累呀~~~好想扭下你計…
好想你摸下我個頭安慰我~~~
好想你錫錫我額頭面珠……….
我想我喊完呻完之後…喊到累喇…
跟住訓0係你隔離…安安全全咁~~~
因為你會保護我~~~
好想你陪我~~~~好想好想好想~~~~~~~」