女人的消費能力無人可擋.
從大至小,從淺入深,由繁至簡...
說不完的神話.

婦女新知 莫文蔚 (收錄於莫文蔚同名ep專輯)
作詞：黃偉文　作曲：蔡一智　編曲：Chinese(For Double C Music Group)

我係一個發育健全既女人　需要各種營養既平衡
男人　新衫　現全（加）約會　零食　珠寶　護膚品
運動　工作　交友（再）旅行　購物　娛樂　見男人
Sorry Sorry 我係咪數左兩次「男人」？
雖然係咁　愛情我都未算好著緊
（我吃　我戀上熱量）

今日我黎教大家整甜品
首先用滾水沖開Expresso 粉
再擺D Lady Fingers（餅乾）落去　浸到「林」
另一方面　將ｄ蛋白攪一陣
起泡就加ｄKalua 再攪勻
最後兩樣倒埋一齊整到一層層
恭喜你　咁就完成左個 Tiramisu
一個世界馳名既意大利甜品

你係一個發育健全既女人
所以呢個時候你有野想問
無端端　整甜品　係咪手痕
抑或教你兩招等你"乙水"情人
Sorry Sorry 各位等等
女人最好既野唔一定要同男人分
整個甜品　錫下自己當獎品
邊個話愛黎留住佢個心
（我買　我擁有力量　讓心願能償）

有時返到屋企都覺得有ｄ暈
因為買到成屋雜物無「訂」躉
於是惟有出街Shopping 散散心
這就是（我們）購物狂的命運（唸詩咁聲）

你問我做乜買左六條一樣既裙
你當我無用腦　其實我都有諗
漆皮真絲　橫紋直紋　長裙短裙迷你裙
綁帶拖鞋　平底高跟　唇膏胭脂乾濕粉
翻炒　再翻炒　係我?既一生
只得舖頭永遠　有新到貨品
小學都有教　人類係一個社群
要相親相愛　咁先夠高等
既然平時唔准獨斷獨行　唯一呢個時候
我覺得唔駛靠人
唯一呢個時候　我可以全權負責任
唯一呢個時候　我真正憑良心

（我吃　我戀上熱量　幸福又平常
誰又說　沒理想　我買　我擁有力量...）
（唔該 excuse me 可唔可以羅果件大褸俾我睇下
Sorry 唔係呢件　係隔離有士多啤梨同Cream
係上面果件 thank you
唔係呢件　係隔離有士多啤梨同Cream
係上面果件...）

我係一個發育健全既女人
有乜傷心　自己識得做醫生
以前有事只係可以唸經文
而家仲有三個字：食、買、訓
買得多左最多忍一陣　食得多左去Gym 修下身
只係擔心訓得太多有空虛感
忽然好想身邊有個人

（我吃　我戀上熱量　幸福又平常
誰又說　沒理想　我買　我擁有力量
讓心願能償　付賬令我舒暢）

我係一個發育健全既女人　不過有時失驚無神發炆憎
以下呢句　你當我怕鬼拍後尾枕
我有時會諗：係咪真係要搵返個男人？
男人...唉?（唉氣）唉?


註:
圖片為Jeffrey Fulvimari所繪，英俊帥哥原為知名男模，現為知名創意設計師．官方網站：http://www.jeffreyfulvimari.com/eng/index_h.html