今個星期忙到飛起, 連續三晚星期一二三都加班加到十二點.. D野都未100%做晒囉.. 好無奈~ 成日都諗唔知係唔係自己做野真係有問題~~~~

因為朋友仔約今日出街睇戲, 睇大隻佬, 所以到六點零就話定比亞頭知今日會七點半走.. 亞頭就當然冇問題啦~ ^_^ 不過~ 最終自己都係搞到成八點先走… 要朋友仔等咁耐都真係好唔好意思架.. 好在佢都冇講D咩野姐… 嘻…

我地去左近太子既扒王之王食飯, 因為聽好多人講話唔好味, 所以之前都冇去食過, 今次係第一次去食囉… D野食都OK架..!

食飽飯都九點半LU~ 我地就行去新世紀睇下幾點開場, 諗住如果已經開左既就唔睇… 點知咁岩我地去到就係岩岩開九點九場, 咪即刻買飛睇囉~

套戲基本上都幾好睇.. 不過, 我覺得好恐怖囉… 好多位置都要掩耳仔合埋眼呀~! 加上又冇乜人睇, 間戲院唔多人真係仲驚呀…!

睇完戲就行番去旺角各自各搭車番屋企LU….

原來都好耐冇同朋友仔出街LU~ 今晚既感覺幾好呀~! 朋友仔FEEL囉.. 冇咩特別~ 冇咩DEAD AIR… OK咁啦~!

今晚諗到一樣野…
有期待~ 有期望~
不過~ 冇失望~

每個人對每一樣野都會有所期待~ 有所期望~
但係一定要記住如果事實與你期待同期望既有出入, 只要唔好失望, 咁你就會好過一點架喇~~ ^_^