今年, 我第一次比醫生縫針了..  仲要比 $3600 添~

因為上年醫生明明就係話我右邊下面隻智慧齒注左....
加上係向前生... 如果唔脫走, 就會影響埋前面一隻...
聽落都覺得再拖都唔係辦法...
加上今年又突然之間覺得佢有dd痛...
咪以為佢已經嚴重左... 走去book時間脫囉...

嘩~ 唔脫由自可... 一脫就連醫生都話估唔到我d骨咁硬,
加上又係向前生... 足足拉拉又扯扯左成 45 分鐘先拉到出黎...
雖然唔覺好痛... 不過都覺得好驚囉.... 嘩...  脫完都喊左出黎...  >.<

隻牙好大..牙腳好長呀....  真係唔脫出黎都唔知原來佢咁大隻囉~!!!

塊面腫左成個星期~  所以都食左成個星期粉類.... 
即時瘦晒.....  就係o個一個星期唯一的得著 ^_^
不過~ 當然好快就反彈啦... >..<

一星期之後去左拆線... 順便洗牙... 
今次洗牙冇咁痛喇喎....  雖然又要比多 $400,
不過~ d 牙比佢噴白左dd....  哈哈, 真開心... ^_^


完成了整個過程. 就如還了一個心願似的..! *v*


!!後記 : 好多人都以為我係痛到不得了先去脫....
但係當知道我係唔知做咩冇啦啦走去脫既時候...
個個都話我傻.... v_v
因為原來個個都注到八八九九先脫, 咁脫既時候隻牙已經死左...
所以點脫都唔會痛.....
仲有人問我... 又唔係痛.. 仲咩脫呀~!? 脫一隻就小一隻架喇喎.... >..<