講左幾個星期既番禺之旅..
不知不覺間就完成左喇...

星期六請左假..
不過都要晨早五點半起身... ~_~
因為七點三要去到尖沙咀..
上船之後就食早餐...
兩個零鐘好快就到lu...

到岸十一點之嘛..
第一時間搭車去酒店攞房..
跟住就出發去長隆遊樂場..
一入遊樂場個門口就落大雨....
好在我有帶便利雨衣同遮...
其他人唯有買囉...

食飽飽就開始出發...
基本上我地都唔係玩左好多機動遊戲...
因為我唔玩.. 同埋好多人排隊..
去左睇表演.. 不過~ 因為天雨關係..
睇左一陣就暫停左lu...
又係因為天雨關係...
冇得睇同環球片場o個個差唔多既表演...
有點可惜... >.<

之後~ 就去大玩濕身機動遊戲..
好在有雨衣... 不過~ 條褲都濕到飛起...
哈哈哈.... 勁好玩呀~!
我地都預左濕晒... 所以有帶衫褲去換...
換左就去睇馬戲lu...

馬戲好好睇呀~~ 因為我地又坐得前啦...
d人好利害架....
仲有.. 熊人,馬騮仔,豬仔......
全部都好叻好搞笑架...^_^

睇完九點幾...
就番酒店... 再o係酒店樓下食晚飯..
都算幾好味呀~!

星期日十點鐘起身...
搭車去公司妹妹介紹既buffet『四海一家』,
lunch $98 一位, 有八百款野食呀~!
好大間..好多野食... 好多人...
好在我地前一日訂左位..
如果唔係一定冇位喇... 哈哈...
妹妹冇介紹錯呀~! ^_^

如果聽其他人講嫌貴唔食既話,
真係side晒架~!!

成個旅程用左$1700--$1800蚊...
其實唔算好平...
不過~ 去第二度玩下個感覺會唔同d...
始終成日o係香港做埋同樣既野...
悶都悶到飛起啦... ^_^

聽講下一站會係長隆新開o個個水上遊樂場...
話五月中開.. 不過~ 我地都未有見到...
唔知道幾時去好呢.... ^_^