12/28 -- 下奏又放左年假, 休息休息~

12/29 -- 有野做所以冇放年假, 不過~ 下奏出左去做回鄉証, 之後再回公司~ 好休閒~

12/30 -- 本來都想唔番工, 但係有小小野要做所以就番左lu, 不過~ o個小小野都做到十二點幾, 公司都冇乜人番工, 而番工既人都係o係度打雞, 個個打到一點, 即刻集體走人.. 哈哈 ^_^
番左屋企執下野到六點鐘出門口, 食下飯之後肥豬自己再去飲野, 而我就番屋企... 番到屋企打下機(炸彈人)都打到成三點半先訓 ~_~

12/31 -- 十二點幾就起左身, 最初planning 洗牙, 去旺角睇戲, 行街街..
點知最終洗牙之後就上左人地屋企打牌..
今次洗牙我好叻呀~ 冇上次叫得咁可憐... 仲冇喊添... 唔知係因為呢個醫生洗得唔夠乾淨, 定係因為我D牙乾淨左呢... ^_^ 今次呢個醫生新張期內-- $250蚊1年洗2次, 好抵呀~ 感覺就好似:如果洗唔乾淨都仲有一次機會可以再洗多次嘛~ 哈哈~ ^_^ 不過~ 因為我地冇booking, 所以由天光等到天黑先有得洗... 洗完都七點lu, 上去人地屋企打牌, 食飯, 再打牌.. 總共打左十二圈, 打到成三點...
諗住第二日又要一早去飲茶, 慳番D的士錢同埋訓覺時間, 所以就O係人地屋企借宿一宵... 都搞到成四點先訓... ~_~

1/1 -- 十一點幾起左身打雞.. 打打下再訓番... 一點半起身, 又繼續去人地屋企打牌... 打到八點, 打邊爐, 到九點半, 再打牌, 打到二點... 哈哈~~ 全日打打打.... 好眼訓呀.. ~_~