又有多個星期冇睇呢個新聞台喇~
等我番黎打掃下先~~


o係呢個星期裡面, 冇咩特別..
不過~ 都有好幾樣野想講既...


(1) 男朋友轉左新工...
呢份工指定要星期一至五都o係大陸...
唉.. 始終都係要咁.. 不過~ 都冇計...
但係呢間真係好大公司... 所以福利好好..
至於要求方面.. 就真係好睇佢自己喇~~
我只係希望佢安安穩穩就算囉~
話雖如此.. 其實佢而家又真係好左好多咁喎...


(2) 呢一排番工真係冇咩野做...
日日咁樣都唔係辦法..
所以盡可能都問下人地有冇野幫手..
但係... 都唔係成日有.....
而家成日都咁閒.... 遲下多野做一定好可憐喇~~
我都好怕自己唔慣呀~!!


(3) 旺角開左朗豪坊, 都真係幾大架...
D 設計就怪怪咁囉...
不過~ 佢有兩條好長好長既電梯.. 真係好恐怖架~
我搭上去O個陣都抓到實一實囉~!!
當然冇O係O個度落啦~~~


(4) 而家天氣都真係開始凍LU...
但係日日都有太陽就好D囉~~
今年好似比上年凍D... 因為上年既聖誕節好似好熱架~


(5) 講起聖誕節... 真係好快就到.. 仲有十幾日咋...
嘩.......... 好開心呀~!!!
雖然都只係放O個一日假... (半日添咋.... 星期六)
但係... 唔知點解就係好開心囉...
始終近年尾.... 感覺係好唔同既..... ^_^