５月１２日：早上八點多聽到阿爸鬧細佬的聲音，因為鬧佢戈陣都已經遲到了。九點幾就醒，梳洗完睇左一陣結構，都唔係好掂，算了！食完塊面包就坐專車返學，係實驗室再溫多陣，借埋計算機就上去準備quiz了。
去到等左陣先有人黎鑑考，係04年去L.E.C.M.暑假實習一齊做的阿man同那個又是天津的超好人助教。
派卷了，頂！又話條題好難ge？點解咁ｑ死易！但做完新的內容，後尾又要用以前學的基礎畫圖，我基礎太差，又要救助高同學…
一點未到走了，又係同高同學去canteen食飯，又係狂吹水，天南地北，由澳門講到上內蒙古…
兩點幾走了，我去實驗室準備做新的實驗，但去到話上面要修冷氣，要停電，四點半先可以，咁唯有望住Dickon係度測定細菌的品種，好無聊咁對表，比我實悶鬼死。之後去lab.繼續打我的東西，但沒有什麼心情，又上上網等，上面都未開始整冷氣，因為化學lab.有pre-U的人做實驗！妖！阻ｑ住晒！等到六七點都仲有人未做完，Dickon建議聽朝返黎做，但聽日中午我返聖中，五點零完左後繼續返澳大啦！
再待多一次我都走了，七點半度，今晚有超多飛蟻，多到痴線！
八點十分返到家，食完飯又繼續打了，今晚的進度好慢，而且無乜心情打，好多都係網上copy改少少文法算了，只係做左一兩版，唉！
沖完涼上左陣網等，再打打日記，好多日未打了，再唔打就無時間打，再send埋ｄ野上網就去睡了，兩點半度。