２月１４日：九點三先醒，即起！回校剛好十點，去新大樓上重修的結構二，跑樓梯時撞到Dr. Shim，佢問我去邊，又話無人修佢戈科，我會修的，但你戈堂撞晒系主任戈科結構二呀！
又係高sir教，唉！我唔想第一次tri-take啊！好多都唔記得晒，連最基本的都唔曉計了。
之後便去上又是重修的微積分四，上上下唔聽了，溫下明天的補考東西吧。一點放學，去了環境lab，沒有人，但門沒鎖，入去開了一會電腦，點九先去canteen食野，拿拿林食完便上canteen樓上的學生中心，要度畢業袍呢！之後又去上堂了，這次是去上選修的交通工程，奸狗Walter教，我要被迫選修呢科了，因為呢堂沒有和其他重修的堂撞，聽聽下都發覺幾有趣，好似今日咁，講渣車遇到黃燈時，在那段距離應該剎車，那段距離應該衝過去等。一個鐘後又放了，這堂只有我，Andrew和Phyllis上，希望大陸戈班之後可以陪我，唔駛咁悶。
落堂便叫Andrew教我明天補考的東西，之後又去返實驗室了，待了一會便去圖書館，因約了Sue姐和高同學溫習，又是明天考試的東西～
溫溫下唔溫了，高同學唔知要度袍，我地便陪佢去，Sue姐因為fail得太多科了，不能和我們畢業，所以沒有袍可度。
打個電話返去話唔食飯。和他們食完又溫左陣，都無乜心機溫，走了。回家看了會電視，睇埋紀曉嵐先入房溫習，把所有功課都做過後便不想看了，明天的考試我想可以吧！這個不屑的節日裡，最好就是乖乖地在家裡自閉溫習。況且之前的事…盡量不去想了…
我又開電腦了，網上沒有人，突然手痕開隻game玩，一玩又三點半，再打埋今日的日記，刷完牙便去睡了，又是四點。

ｐ．ｓ．這天是個極無聊的日子，居然去紀念一個死了千幾年的古羅馬人，無聊到極，搞到周街都有人囉住扎花去拜呢條友！