１月７日：昨晚阿媽交代我今朝早ｄ起身去銀行交錢，我訓到十一點幾，即起，上車時都十二點了，應該趕得切掛！
去到水坑尾落，去星展銀行，攞張單出黎，咦？點解張單寫住U-Point ge？食屎喇！我應該去中國銀行，唉！點解自己咁白痴架？！中國銀行北區大把啦，唉！超無奈！
即趕去新馬路間中銀交，超多人！排隊排成半個鐘！期間林++打來說沒號咀，唉！又係我的問題了…
之後坐28B回聖中，先去阿姨度食碗面，大口聰都係度，食緊戈時俾班clarinet師妹屈我請食！！自己食完先入去，今日吳生唔係咁老脾，我坐係最最最左邊的位置，教個師弟吹野又搞到自己心情煩燥，唉！
兩點九又係我指初band了，唉！班新人越來越唔受控制，我已經搞唔點木管人的情緒了，夾緊戈時顛左咁走黎走去又大叫，銅管還可以。
那個小號新人好勤力好好學呢！放band後叫我幫佢數拍子！
之後超無奈，我被班新人困在音樂室唔俾走，死都要我電話，問東問西，又問我一ｄ會令我不爽的問題！直到我投降被左電話，唉，咁就擾攘左成半個鐘，好白痴啊頂……對住佢地我完全無晒符。
入返管樂室坐多一陣就夾完了，又係那個資質一般的師弟，算了，起碼叫做聽話。
之後無無聊聊地，準備走了，先問吳生聽晚表演的事，再即刻告訴我最好的朋友聽～　巢佢地話去食武二，走時攞走份狄士尼總譜。
又被班clarinet跟蹤…等巴士準備走。

等候期間，又係好無奈，又是那個畫面，我開始有點不想考車的想法了，我就是要同自己作對，需要車？我偏不去考……

去到武二，求其食碗面走了，回到家便到書房，無端端看那本借了兩星期快要過期的心理書，旁邊細佬又係度玩電腦，之後阿爸入黎問細佬新LCD芒的事，我這時才發現地上那部LCD芒，我的觀察力又是其中一項我最想改的缺點！
之後我覺得幾神奇的事是，我們三父子在同一間書房裡，合力拆線，換舊芒，按新芒，當然我又是未出過一句聲，但都是覺得怪怪的。
個芒有少少花花地，算了，反正免費，下次ｄ阿叔們再做呢ｄ裝嵌工作時，換個十九吋先，朋友們不用要求我免費拿多幾台了，因為只限家人才有免費的～
直到這時，部舊電腦剩下仍為我服務的部份，就只有keyboard和喇叭了。
之後出廳食飯，食完好似睇左陣電視，又好似入房睇本無聊書，期間阿爸入黎叫細佬同佢吸歌入佢部機裡，我又企隔離睇住唔知做乜，我受了阿爸的影響，鐘意陳慧嫻，所以電腦裡有不少她的歌～
再之後好似打日記同吸歌吸舊電腦的資料吧，頂！另一隻燒的碟又有毒滲了入碟裡，靠！
之後，我又開CS打了一會，定係繼續打日記？又忘了，總之又係四點先訓，我唔想晚晚都係咁啊。