１月６日：好怕最後一科起唔到身，好彩我只係想太多，又是空著肚子返去，又係撞到Carmen，大家在巴士上作最後的掙扎，唉！好耐都未試過背咁多問答了，又想起中學時，又係臨測中文前的一晚先開始狂背，還好現在的記性不是想像中太差～
去超大的N205室考，好多大一大二的未來教師呢！份卷同佢之前俾的題目真的一模一樣，未做到一半我已經覺得好煩了，就算一條問答背得好熟都好，就係超唔想寫，好懶，做到最後更加係覺得支筆突然變得好重，而且寫兩句就停手休息，點解會咁呢？唔全唔想做唔想旭，最後一題還以為畫完結構圖後要文字解釋，好彩唔駛，不過就算要我都未必會寫～
反而如果考其他要計算的科又不會這樣，幾唔識都好都會諗，支筆起碼唔覺得好重～
還有半個鐘時基本是做晒了，望望周圍ｄ人，痴線架！題題問答都答到成版紙咁，連行都唔隔，ｄ人個腦裝乜架？
終於挨到交卷了，之後同Carmen，Savio去canteen食飯，期間講借宿舍的問題，如果五個人夾一間的話都要俾七百幾，都係覺得好“那利”。不過我都想試下搬去宿舍度住，記得以前曾經同個frd講過，佢仲話會黎探我～
走了，坐三十路，在祐漢街市落，先去攞眼鏡，唉！好貴。之後再去仆街CTM交返按金，排超耐隊，唉！我都唔想鄙視ｄ師奶阿嬸，但佢地真係好煩，無知都算了，仲要無賴！係咪都當晒自己岩晒，ｄ職員成日無故被噴都好無奈，點解佢地EQ可以咁高？
攞晒ｄ野後便回家了，再叫黑鬼上我家，因為我要自己安裝，唔想無端端地交350，其實好易裝，我最主要都係想試試用佢個acc.上，但發覺電話線嚴重唔夠長，將家裡翻了一遍終於找到幾條短線同分插等東西，好亂地駁好晒ｄ線後試了，但唔得，試左幾次都唔得，最後大家突然想起，星期一仆街CTM先同我接駁，頂！
之後同黑鬼出去幸運閣，買長些的電話線，去到聖心戈頭，我突然想起，我很怕來這一區，尤其係呢個時段，果然，坐佢車時我又好似見到一些我唔想見到的東西，雖然睇得唔係咁清楚，我都唔肯定，但都有夠我受了。
去了幸運閣，發覺好貴，之後都係決定去超市買，去了來來，買左一條，但另一款的找不到，之後去對面的通利，攞張單去搞返做會員，但要葡文地址喎，頂！好不爽！去Daiso吧，但我仍想叫黑鬼車我周圍兜，我想證實剛剛我是不是真的看到了，但證實了又如何，證實不了又如何，可以改變已成事實的結果嗎？
去到居然沒有電話線！那順便買了個裝CD的盒…唉！超無奈！我揀左好耐都未下到決定，我點解都係改唔到呢個性格？

要下一個決定真是一件很艱難的事，我曾經下過一個決定而且實行了，但好遺憾得到一個不太好的結果。

之後和黑鬼去了旁邊的ｍ記坐，環境幾好，唔多想走，由於黒鬼又係好少出聲咁，我又發夢了。再去我樓下間叫吉之島的超市，買到了，回家先搞搞個放電視的大櫃，因為個電話插頭俾個櫃塞住左，要搬開好多野先得，再盡量捲返直兩條新電話線，裝好晒後先去食飯，而家萬事俱備，只欠仆街CTM的接駁。
食完飯睇左陣電視，唉！日日的生活都係咁過，晚晚與電視為伍…
之後我又將部舊垃圾換返佢，記得仲有ｄ資料未燒，今次好小心，逐個檔案拉去燒，以免又燒埋ｄ木馬電毒。
沖完涼之後上網了，超耐未上過網，順便打日記，再順便搵一首最近我突然回想到的歌，兩星期前由聽到“欲蓋彌彰”呢四個字起，覺得好熟，之後想到一首歌的前部份，但中間高潮同尾我點都想不起，最後今晚都係找找吧，一見到歌詞即刻記返晒了，戈首歌係周慧敏的“最愛”，超好聽，可以入到我十大最喜歡歌曲中呢！
突然想起我要掠衫，ｄ衫係沙發度濕晒咁攤係度！
之後我又換返部新電腦，玩左陣CS～又四點了，訓了。