９月２０日：早上發了個夢，在這個時期也算是個美夢，剛好同現實相反，唉！又是這麼的真實，又突然醒了，看看時間，我ｘ！七點半都未到，平時發埋晒ｄ無厘頭夢醒來已經遲到！但想想下又對喎，因好夢總是很短的。
繼續訓，八點醒過下，又訓返，八點九carmen打來先識醒，又要扮傻仔唔知上堂時間了，在電腦室吽了一會，睇睇自己的新聞台同日記咁，好失望。十點先去上堂，又遲了作個鐘，都係發住夢咁上，下一堂的raymond堂都是如此。
十二點放學jill又叫我陪佢食，食完還有很多時間，又周圍逛逛坐坐，最後係九龍壁企左陣，見到有個友會吹eup.同tuba都咁了得的叫肥森的人，不爽兼不屑！點解？除左個人理由外，還有我好討厭這些虛偽虛假的人，整天裝作一幅乖巧相，卻不知骨子裡是什麼！又係得個外表騙人的人！！！！！！
下午上現代漢語，完全沒心情聽，更光明正大地訓覺，訓醒再發了一會呆，落堂了，直接坐三十三回校。
見到一大班人準備上旅遊巴去練東亞運，望望下見到吳生渣住架電單車停左係我隔離，佢返學校問星期六駛唔駛夾band。返到去教下個對我好不耐煩的師妹，入去食物部，阿姨居然比左個電話我，叫我打去搵野做，佢上星期六提過話介紹份工比我做，我以為講笑，原來是真的，待我看看時間後我再決定吧。終之點都要多謝聲～
未到五點半走了，留在學校有咩謂呢？回家看犬夜叉，等我專心一個鐘更好。
今晚又係食自己，出去買左盒飯，順便去影印，返到家，睇埋海豚灣戀人最後一隻碟，好好看，幾感人，有三四集簡直睇到...我想這該是主要給女性觀眾看的吧，兩個男主角分別代表了女性心目中兩種最理想的情人吧～最後當然又是童話式的大團圓結局……
之後去囉返筆記俾carmen，回到家沖完涼開電腦打日記，修改下新聞台，再上上網，post完改完快快走了，無謂無癮。
走又走唔晒，開住部垃圾打下日記，又上返來，又被仆街ctm提供的線cut斷了，關機又關不了，直接關掉電源去睡了，才點零鐘咋。