睇咗啦睇咗啦，好明顯仲沉醉於興奮中..............

呢套係阿導演Francis Lawrence既處女作，佢之前都係執導過唔少mtv，所以佢既配樂一d都無令我失望。估唔到每個位都好有驚喜，由開始到結尾我都係緊張足全場，有d對白位預咗佢悶，哈，點知又無啦啦嚇一嚇你噃。

最正係佢唔似一般既美式英雄片，唔會下下借機抽女主角女，無啦啦又會咀咀，今次有幾個位可以錫錫ga，但點知一切都來個反高潮，有d位其實估到係驚嚇位，諗住預備個心情去「驚」，結果自己又真係嚇親，幾乎叫咗出黎呀，呵呵~~

另外一讚係佢處理暴力場面既手法，arm arm好，如果過多會變成賣弄暴力，又有幾幕似Bio Hazard，好攪笑，好似打機咁。同埋幾多幽默位，都無諗到驅魔前要講句ass hole，同埋之後仲要整多個中指你，雖然有影評話係香港八十年代gap，都幾得意，睇番個影評，其實有d係arm，但某程度上覺得佢係雞蛋裹挑骨頭囉。

Rachel Weisz係幾靚，特別係做Isabel既時候，不過正如媽咪話齋，佢d皮膚差咗d。Keanu Reeves好憔悴，但諗起同個角色好match，官仔骨骨咁，正。

本身應該係星期日睇呢套戲，點知Full House，本身諗住今日冇咁多人睇，點知都係full house，d人第二日唔駛返工咩?!?!

媽咪今日講咗個幾攪笑既現象，佢話d男仔個樣初四咁款，好似俾人逼出黎，隔離個件又拎住d花木無表情，攪到自己好似拜山咁，都話情人節無謂啦，只係一個商機或俾衰佬/婆贖罪既日子~~~~~~~~

愈來愈同意菠蘿包講既良性競爭論，如果處於一堆鐘意而又識扮靚既人堆中，自己扮靚既戰意係高昂好多，唔係話我d同學仔唔多掂，只不過係佢地係樸素派或良家派，都唔好意思浮誇，或者俾心機啦，一來無觀眾，而且咁會攪到自己格格不入，咁都算，至慘係攪到自己overdress咁，攪攪下自己都無哂心機。

下次都係講下自己著衫之道先~~~~