今日在Boots嘅counter行來行去,游手好閒嘅時候,
忽然見到一個打扮得非常之似佢嘅人在等藥
不自覺間,我真係可以眼定定咁望住人
到有人叫我做嘢時,我依然係成日斜斜眼咁望
真係覺得好失禮!!
最重要嘅係,原來我一直都仲掛住佢,我嘅呢位「好朋友」...

自佢離開之後,我就到處旅遊,努力投入工作
慢慢地,思念淡了,關係轉型了...好想讚自己好叻
但好多嘅晚上,在我意識最薄弱嘅時候,佢依然可以走入夢鄉
我唔明點解我可以咁冇用,咁無助
連好友都覺得佢唔值得我為佢咁唔開心
點解我又唔可以爭氣啲啲??

容祖兒 - <<心淡>>已經唱咗好多次
呢半年時間,春風秋雨...一路在推遲
帳單...分期付款緊,對你熱度...退減緊 (食緊Panadol架喇...)
一天一點傷心過這一百數十晚...原來只夠我送我去地獄及在折返人間途中
(因為班機delay咗)
春天分手...秋天習慣了...但到冬天傷口依然未好得番呭
苦沖開了...但未夠淡 (要好似好強嘅Homeopathy咁淡先得)

但想在此多謝曾開解過我嘅好友...

(我想強調,我有此感同今日係情人節係冇關嘅!!)