仲記得佢臨走之前我開咗個Party幫佢送行
特登為佢整咗啱食嘅麻婆豆腐
(Sorry呀Joey,其實我諗如果你都識整,我一定都識整~~講笑咋)
結果佢除咗清碟之外,仲大讚好食
突然間,都唔知自己搞咁多嘢究竟想點
想見多佢幾面?想大家見吓佢?定係想話俾佢知係佢嘅損失?

自佢在餐枱上發表飛機嘅偉論之後
事後好多朋友都問我點解當初會鐘意佢
仲話「Sorry,我諗真係同佢夾唔埋」,「唔鐘意佢」
「可能呢D就係Oxbridge嘅人嘅性格啦」
同埋「都唔想同佢抝,不過真係忍唔住」
結果最妙都係Cathy話「但係我想像到係Phoebe先會鐘意呢種人喎」
其實我根本知道佢係D咁嘅人,亦係一部份我鐘意佢嘅地方
不過佢同我一齊時唔係咁嘅,好好多,冇咁多驚人偉論
第二日仲收到佢嘅email,話尋日佢心不在焉,
唔係佢自己咁話...Yeah right...
我都唔明自己點解仲要bother...

尋日收到佢由法國Loire寄來嘅Postcard
佢話寫Postcard一定會寫俾我先(真係受寵若驚!)
突然個心一酸,眼淚又流落嚟喇
點解??點解呢個男人仲有能力令我喊??
我應該學伍姑娘句台詞「當日你決定要走嘅時候你已經放咗手喇!!」
又或者應該下次見面時,同佢飲番杯祝友誼萬歲!! Prost!!