進入 “死亡三月天”, 功課project開始不斷湧埋黎, 但仍不忘今次黎英國做 “旅遊大使” 的使命, 決定死都要出去玩. 3月第一個outing, 我地選左世界10大奇蹟之一既英國巨石群. 呢個地方極之偏僻,所以我地參加左本地既一日遊, 15磅可以去埋一個叫Salisbury既地方,車出車入,都算係咁啦!

坐左2個鐘頭車, 半睡半醒咁就到左傳說中既巨石群. 原來巨石群並沒有想像中巨,不過係一片荒野間有十幾碌長方柱狀的大石棟起黎砌成一個似乎係日昝的圓形小廣場, 以史前人類既技術黎講都真係幾神奇, 就好似見到金字塔咁, 好自然就會諗: “點砌既呢?” 我地沿住條路行, 由遠至近咁觀看呢幾舊大石. 講真…我都唔係好覺究竟係東面睇同係西面睇, 呢幾碌柱有咩咁大分別. 厲害既係果個導聽錄音帶竟然可以有十幾段錄音, 你行幾步換個角度, 佢就有段錄音教你點睇點睇. 不過唔知係我d英文程度唔夠好, 定係d風大得濟, 吹到我頭都暈埋, 我真係冇咩心機聽佢講咩. 我地仲要係果度留左成個鐘, 咩興趣都吹散晒, 宜得即刻走. 狂風下無咩好做,我地幾個白痴婆就係到影埋d自娛相.

雖然係有d無聊, 不過巨石群話晒係世界10大奇蹟, 點都應該睇睇. 值得一提既係, 入場費都幾貴, student都要5磅. 本來我有諗過唔入去架, 反正係個鐵絲網外都睇得好清楚, 但係個個都入去, 無理由自己好似碌柱咁一個人係出面吹風架! 點知就係我地幾個學生妹排緊隊買學生飛既時候, 就見到其他成人團友已經買左團體飛入緊閘, 見到個 “閘長”竟然無數人數,我地幾個學生妹即刻離隊插入d團友到. 哈哈, 咁就慳左. 如果唔係, 要比5磅睇幾舊大石, 都幾痛心.

走既時侯暇搞笑,話說我同星加坡女孩因為唔認得d團友,結果係個souvenir store到兜圈又兜圈, 兜到d團友上晒車都唔知, 及後發覺就即刻趕去架車到啦. 期時有幾架好似樣既旅遊巴並排一起, 我記得認該係右手邊果架, 就快步行過去啦. 殊不知有個黑鬼忽然閃身係我前面阻止我上車喎, 猛同我講唔係呢架車, 隔離至岩. 我同星加坡女孩就耍手擰頭話: ‘唔係喎, 我唔係你架車架喎.’ 個黑鬼依然攔住唔比我地上車, 係都要我地上隔離果架. 直至隔離車既日本領隊見到, 落車證明我地唔係佢d團友, 我地兩個先甩難. 原來我地又比人當係日本妹. 個黑鬼頓覺自己好瘀. 我同星加坡女孩就極無耐啦, 事關我地個導遊全程係車上見到我地同個黑鬼擾攘都無落車拯救我地….睇怕就連佢都認為我地應該係隔離車既….好彩佢無唔比我地上車即.

之後我地去一個叫Salisbury既小鎮. 途經一處山丘. 上山頂既路不好走, 要披荊斬棘, 差d勾爛件衫. 不過上都去真係好靚, 居高臨下, 望晒一整個Salisbury. 大布
有想唱首 ‘舊日回憶的山丘’ 既感覺.

去到Salisbury, 因為係星期日, 周圍都無咩人. 鋪頭無乜開門, 係條街都逛黎逛去, 都唔知搞咩好. 原來成個鎮最好睇就係個教堂 “Salisbury Cathedral”. 個教堂都幾靚,可以話係我係到睇過咁多個最靚果個, 怪不得我本旅遊天書都有小推介. 最好係唔駛比錢, 相任影唔嬲. 不過, 星加坡女孩就話呢度不外如是, 第日我去到意大利就會睇到嘔. 基於佢呢句話, 我決定他日去到意大利只選最出名既1,2間睇, 慳返d 時間去感受下意大利風情. 反正…睇完都唔記得邊間打邊間…

回程坐3個小時車, 因為已經訓左好多, 車上訓左2個鐘就醒左… 坐長途車都幾係野, 我諗我既極限係3小時. 唔知他日去歐洲要坐8個鐘火車頂唔頂得住呢.

○ Check points: Stonehenge, Salisbury

※ Photo: 舊日回憶的山丘, 遍地綿羊. 第一次覺得自己同海迪好接近.