一個人既生活開始習慣,多得有w君陪我渡過好多個孤獨既傍晚.我依家唔怕自己一個食飯,反而覺得一個人食都幾好,可以晚晚整下自己想食既野,訓練下d廚藝之外,仲可以係間房對住個電腦食飯,晚晚追隔離房jessie燒比我果套台灣劇"鬥魚"(套野真係幾緊張,幾好睇,開頭見到d演員陣容仲以為會係好似四葉草果d無聊劇tim).呢種生活,就好似以前有電視送飯咁,勁正.原來穎姐都有睇過,同佢講係特別有共鳴.不過套野就做完,我又冇其他戲係手,遲d冇電腦送飯都唔知點好lu.
踏入3月,功課開始多,project, presentation陸續有來.先係尋日交左日份assignment,月尾仲有3份assignment,2個project,2個report同1個presentation.唔好以為exchange真係咁爽!唔計分都要做架!
講時講,今日就遇到件勁谷氣既事.話說我take左一科hrm,開學果陣就分組做project,結果我膽粗粗就同左一班全西人一組.當中有d都係exchange,有d就local student.我諗,難得黎到,點都應該試下同native speaker溝通下,即使講唔掂,都可以訓練下d listening丫! 今日約左開會,我不感殆慢.唔知點解,我心裡總覺得外國人做事好認真.一向都有遲到習慣既我,今日一分鐘都唔遲咁出現係canteen.殊不知一去到,只見有2個groupmates係到,仲要都係exchange student黎.我估,可能遲到呢家野唔only係香港人特性既,就邊同呢2個exchange吹吹水邊等.我發現,原來英文唔係唯一既溝通障礙.文化都係問題.我見果2個西人傾偈好流利之餘,話題都好對.我好似插唔到口咁,又唔好意思問個西班牙仔:西班牙係點架?,或者問個美國妹:你take左ｄ咩科呀？呢類型咁無質素既問題，我大部份時間就旁聽.
聽下聽下,20分鐘就過去.一個人都無黎到.6個人一組,點可能得3個人現身架?最離譜係d local無一個係到. 我地3個覺得好奇怪,就搵搵係唔係約錯地方.原抵一個鐘既meeting就係咁等等等等左去.仲要電話都冇打個黎.我明明出門前check過e-mail都冇人send過e-mail黎話開唔到會丫!結果,我係返到hall之後先見到其中一個local send e-mail黎話佢地2個local都開唔到會.個e-mail 2:45pm先收到,個會開3pm.做人唔係咁"有"交帶呱.你臨時開唔到會,冇得再早d send e-mail的話,就打個電話黎啦.你唔好夜晚3點先話我知你唔得閒!? 呢次遭遇一下子令我對d外國人降晒grade,特別係英國呀差.邊個話外國人做野好認真? 至少我一黎就遇到d"無黎搭圾"既人.極之失望.
返到hall,同w君呷左一輪,佢叫我唔好咁認真,反正我只要合格就得,d local應該認真過我至岩.係既,我係著緊左d,不過我真係好想快d做好手頭上既野,撒手不幹一向都唔係我作風,要我好似d人咁放飛機我一下子都做唔出.而且我最'炆'都係d人放鴿子姐!
唉...我要叫自己放鬆d,放鬆d...難得黎exchange,唔好咁認真...唔好咁認真...

●REMARKS
1/ 前天收到康康送我既生日禮物,好意外喲~~~~
to康康姐: 好想快d到夏天,咁我就可以著住佢出街喇!!!
2/ 天氣似乎有回暖的跡象,時暖時寒.昨晚再見到落雪,怕且係今個冬天最後一次.

※photo: my bday gift