你對讀DSE數學嘅印象係咩？瘋狂操卷？做奧數難度嘅題目？如果我你講學數學其實可以好有計劃，唔只得死操難操[url=https://flowsophic.com/past-paper]DSE Past Paper[/url]，相信可以將你溫習[url=https://flowsophic.com/notes-categories/maths]DSE Maths[/url]時候嘅氣餒程度大大減低; 今次呢篇文章講既就係[url=https://flowsophic.com/]DSE 2020[/url]數學科既温習方式，應用既層面好廣！因為如果你有讀其他理科，例如物理、化學、經濟等等，都可以用以下介紹嘅高效溫習法去讀;

由於原文太長，下集會係呢兩日推出，敬請期待！;

———-

I. [url=https://ffclassroom.com/dse-maths-final-1/]數學科[/url]會要求咩技巧？

等我地重溫一下數學嘅Syllabus，先可以知道唔同課題要以咩方式去熟習;

1 數與代數

1. 數字系統、一元二次方程、指數函數與對數函數

2. 不同函數及其圖像 (包括形狀、最大最小值)

3. 多項式 (長除法、因式分解)、解不同函數的方程

4. 變分 (正變、反變)

5. 不等式與線性規畫

6. 等差數列與等比數列及其求和法

2 度量、圖形與空間

7. 幾何學 (四邊形、線段等)、圓的基本性質

8. 三角學 (包括立體)

9. 直線方程、三角方程、圓方程

10. 軌跡

3 數據處理

11. 排列與組合

12. 概率

13. 統計及謬誤、離差的度量

我已經將類近嘅課題包含係同一範疇，依照學習嘅應有次序排列，可見你要讀嘅課題非常之多;要讀好咁多個課題，基本功一定要打得好，即係每一個範疇嘅頭幾1-2個課題，事關數學題目所需概念環環相扣，唔識前面，後面都唔會識;

II. 打好基本功，由初中課題開始重溫

由於數學科要求學生對科目既固有知識 (如定義Definition、方程式Formula、圖像Graphs) 非常熟悉，因此對書本上既知識既掌握尤其重要;雖然操練係學習數學科既核心，但如果你練條Formula都唔記得，又點做練習呢？操Past Paper或練習之前最好係將整個課程的教科書 (或學校筆記) 由頭到尾温習多於一次;

我講緊係由中一嘅第一科開始溫起。DSE考嘅唔只係高中課題，一啲初中略略講過嘅課題係DSE都會考核，經典例子就係base 10, base 16呢類嘅進制，又或者irrational numbers、square root乘除等等。佔分唔多但簡單易讀;

唔好因為初中數學太簡單而快睇。第一次由頭温到尾係非常認真地讀，每一個部分都嘗試不斷背誦，尤其Definition同題目示範，温完一個Chapter去下一個Chapter之前確保自己對每上一個Chapter大部分內容都能夠背出黎，盡量試試背誦書上講過對於唔同題目嘅Case要點樣應對，亦都試下抽每一課最尾練習中嘅最難或者打星嘅幾題出黎做。如是者由第一個Chapter讀到尾，過程會很漫長，但回報絕對值得;

係溫習嘅時候拎一本簿出黎，我叫做「精讀簿」，如果你有邊個課題發覺掀左兩次都背唔到所有Definition、Formula同所有題目嘅正確應對方法，又或者係做錯左書入面嘅題目，就用自己嘅文字將嗰一個Definition、Formula或者題目連同答案寫落本簿入面。記得加多一句自己文字解釋自己成日唔記得邊一個步驟、錯左咩Concept等等。