人地話人生就好似一個樂章咁
好長o既…..當中o既旋律可以總成好多野
有高….有低….有快…有慢….好多變化

雖然譜係一樣
但係唔同人演奏又會有唔同o既風格
無人可以評論人地o既演奏
因為您根本唔係果個演奏者
您唔會明佢想表達一種咩情感出o黎

你可以好用力咁去演繹每一粒音
又可以好輕描淡寫咁帶過成首歌
在乎您想呢首….係一首咩歌

世界上面有咁多出色o既演奏家
就等同呢個世界好多出色o既人

佢地都o係自己o既人生裏面不斷咁演繹緊自己
出色o既人當自己係一作曲家
盡力咁寫好自己呢首歌
希望自己可以留芳百世
音樂家亦都將自己視為樂譜….音苻
希望可以將自己滆入每一粒音
演繹返作曲家想表達o既野出o黎

但係一個出色o既演奏家根本無可能做到
所以而家 d演奏家拎獎…話演奏得出個神韻….我覺得唔好
心諗…..一個出色o既演奏家係要有自己o既風格
唔應該活人前人o既影子裏面
巴哈以前都無咩前人可以比佢學習
但係佢咪又可以寫得出咁好o既歌

所以我地唔應該以某人o既成就為目標
應該令到自己成為後人o既學習方向
咁先係成功o既要訣呀~~!!!