今日成個人突然"collapse"... 好blue, 好negative......
返到教會, 個人有d茫然...
o係R3 o度... 好想喊...
靈修... 都係好想喊...
唱詩後靈修分享......幾乎喊o左出o黎...
搭車返屋企, 途中有好多negative thinking, 令自己好炆之餘又有d desparate, 但因為無帶紙巾, 所以忍住唔俾自己喊...
返到屋企, 終於都頂唔順............

o係過去七星期的實習期間, 雖然工作量不算多, 但成個人都being occupied.
靈修生活好差(一星期一次). 因為shift duty而要早睡早起. 返工, 食飯, 瞓覺. 平時最愛睇電視o既我, 已經幾乎同電視絕o左交.

身邊有些朋友再一次慢慢從我的生命中消失. 琪琪返o左o黎香港我完全無時間date佢, 到我有時間同佢食個lunch時, 原來佢已經o係前一日返o左去珠海... 明明約o左慧比嘉, 怎料竟然可以完全無o左件事...... 好幾次想打電話俾阿雯 & cammy睇下佢o地近況如何, 怎料轉過頭來, 人已在床上瞓得不省人事... 同年的弟兄姊妹們, 愈來愈少可以在教會相聚... 中學朋友仔, 直頭"買少見少"...
到底是彼此都忙, 或是對方"係時候"要從我生命中消失, 定還是... 唔係佢o地離開我, 而係我離開佢o地...??

每日不斷同病人傾偈, 嘗試了解佢o地, 觀察佢o地o既病徵, 聆聽佢o地o既需要, 找說話開解佢o地, 又或是"九唔答八", "扯東扯西"的將佢o地從幻覺中帶番出o黎現實世界. 會睇好多牌板, 去了解病人的背景和情況. 不斷睇, 不斷睇, 不斷睇...... 最終是多了解到病人們, 但卻愈來愈唔了解自己...
其實自己需要安靜, 需要親近主, 需要跟親愛的朋友們相聚, 需要跟他們來個擁抱...... 肉身得著休息, 但心靈卻得不到安息.

對於事奉. 太多uncertainty. 從來都唔知要搵個詩他原來會咁難. 到呢一刻都唔知邊個會係詩他, 最唔鍾意沒有"兩手準備". 星期四o個日好不滿, 但聖靈唔俾我"發"出o黎. 當你日日都不斷去睇人時, 你好快就會睇穿對方係一個點樣o既人. 睇唔中十成, 都睇中七八成. 當發現對方正正係你好bias o個種之後, 你一開始就會label o左對方. 對住自己會bias o既病人, 你可以選擇唔approach, 但當對方是主內的肢體時...... 唉...... 主唔鍾意人唔憐憫......
and then積到去今日, 我真係勁想發難, 但要"恆久忍耐", "凡事包容", "放下自己", "憐憫人"......
仲要好嬲"你"一開始o既arrangement... 我都話ga la... 我唔想肢體part我會受壓o既同時, 亦都唔想o係過程中更加討厭, 更加唔愛自己......
結果無發難, 但就好唔鍾意自己, 結果o係o度係咁喊......
我係一個唔可愛, serious, 要求高, 唔溫柔, 說話唔識轉彎o既人......
好乞人憎......

本來連diary都唔想打, 一方面因為好難面對自己的"不完美", 好唔鍾意自己. 另一方面唔想同人有咩sharing, 淨係想isolate自己.

最終從主的詩歌中得著醫治.

"怕對付心中破損 佈滿瘡疤結聚著恨怨
神原在我內心設熱線 何故弄斷? 只想再繫上心弦!
祢賜下一生轉機 只需將披戴面具掉棄
來臨十架下拋去舊我 來靠近祢
心聲再牽一線重覓到真理"----------------[繫上心弦]

"是祢為我 修補破碎身心......
......耶穌 祢總緊抱著我共渡風浪
莫再恐慌 主安慰是我心底曙光
如今 拋開一切舊創傷全力往
緊靠主 堅守祢方向"--------------------[原是祢---緊抱著我]

"是祢觸摸我生命 全然釋放
我在變幻裡迷失 卻是祢來尋找我 讓我可靠近祢 從沒隔阻
祢為我十架捨身 我尚會缺乏什麼
主祢是這生希望 完全交託"--------------[我還缺乏什麼?]


要回歸耶穌的身邊, 愛的身邊......