瘋狂過留後既生活,訓到1點幾就起身lu~收到個好震驚好震驚既消息...我真係完全冇諗過會係咁~!!人生真係好變幻莫測...

跟住拾埋野梳洗過後就同阿和,阿man佢地出旺角食晏畫,因為大家都想食18蚊半磅既三文魚,不過出到去都4點鐘,結果食唔到~終於去咗隔離米飯班主度食籠仔飯~真係唔錯~!!

食到4半就趕返去大街打波,但係我其實約咗大家4半,好在個個都遲到,最終我5半先去到,因為要返屋企幫3哥拎褲~跟住成屋都係人,除咗姑媽成家之外,仲有我阿妹個fd~尋晚又係度訓~睇黎,間房就快唔屬於我~

趕去大街既時候10妹本來打黎想搵我同佢補完習行街,不過實在太多野要做啦~!結果佢唯有自己出去先~

去到大街個陣得4哥同陳丁麟未黎到,其他大佬,3哥,阿泰同king kong佢地都黎齊,不過今日打得2粒鐘,但係我地已經好似死咗咁,睇黎大家都好耐冇做運動~哈哈~~

由7點鐘叫走我地打到最尾7點9先走~跟住我就趕返屋企沖涼,老大同老三就跟老四返屋企~搞掂晒d野成8點8先出門口,其實今日係每月之星既活動,約好咗8半係金百利等~結果我地4個男人都遲到~

今次既活動係mandy跟阿倫策劃,佢地最終決定去Fat Angelo食Italian food~好次我地咁耐都未試過成班友食呢d比較高檔野~總覺得最尾有d格格不入~我意思唔係話野食,場地個方面,而係我地呢班友真係好嘈~!係一間比較需要靜既餐館,我地真係確立雞群~哈哈~!

食完飯都只係個零鐘既事,結果大家又係去到個d唔知去邊個d位,就走咗去維園"開會"~商討生日禮物同下個月既活動~

12點幾先返屋企~去完seven之後順便上10妹度個陣拎返部錄音機

今日向6家姐請教咗一d抑鬱症問題,忽然覺得佢好pro~終於發現讀咁多科入面得hist係最冇用~!!