初五一早起身做咩??

係去唱k既,同2家姐4哥5家姐6家姐8妹同10妹係香港仔neway唱

約咗佢地11點到係樓下等,開頭得我4哥同6家姐黎到,開埋位等佢地黎~~好耐都冇同佢地唱lu,都唔記得有幾耐啦~!!7個人唱都幾虛ham~哈哈~~不過neway真係越黎越貴,好乞人憎~!!

係咳既情況下食咗個咖哩豬扖,唔知會唔會咳得仲勁tim~不過都冇野食,冇計~!!

今日好似李克勤演唱會咁,我唱親都係佢~哈哈~~而4哥今日好似冇咩點唱到,佢又係咁電話響bor~~唔似佢bor~哈哈哈~~

唱到2點到就趕住去跑馬地踢波,連台都唔得暍搬,冇辦法,成年冇踢過啦~!諗起個人造草場都興奮~!!飛奔到72站即刻有車,her her聲去到馬場換衫,咁啱有幾條踢福建既友仔都係度換緊衫~!!

佢地2點去到踢緊,我就中途加入,點知一入去踢就俾我係前面衝吓衝吓截到人地既傳波射入咗~!!哈哈~係跑馬地入波真係興奮莫名~我feel到今年個勢會好好~!!

不過好快我就打後衛黎咗球own goal~!!頂~!!不過就算我唔掂到個波都會輸既,只不過我加一腳想踢走點知踢咗入網~!!哎~!!之後就開始打回原形,唔知踢緊mud,不過都冇得講,因為我地將最廢既放埋一邊,對面係咁玩高波空襲,5個corner都頂入,痴線~!!

踢到5點幾佢地去食野,我就返屋企沖涼,本來要去石籬食飯,最尾我阿妹唔舒服冇去咁我都冇去到~!!自己係屋企煲粥,開頭佢整到一pat屎咁,之後我加咗d瑤柱,貢丸,變咗超級無敵好食~!!哈哈~我一個人食咗半煲~!!加3塊籮白糕~之後夜晚老豆返黎食都話好食,佢平時都唔讚野好食~!哈哈~!!