依幾日都無update，
其實有好多野想寫，
但係都唔得閒，到得閒既時候，
又好似無左想寫既衝動~~
不過依幾日心情輕鬆左，
其實無發生過D咩事，
只係前兩日一覺訓醒，
睜開眼既時候，
個人好似諗通左好多野，
成個人有一種如釋重負既感覺。
以前對任何事總係好執著，
好介意身邊既人既想法，
正正因為甘而忽略左自己既感受。

每一個人都有自己既角色，
每一個角色都有自己既份內事，
有時我都會想去做下其他人，
不過依個世界無變身器，
既然角色唔能夠變，
我地唯一可以做既，
就係將自己既角色發揮到最好！
好多野我地都唔想面對，
但係唔想面對唔代表唔需要面對，
既然唔可以逃避，
甘就要懂得0係面對既同時苦中尋樂~~
早排我以為有D事我會解決唔黎，
我一直拖一直避，
點知當我選擇去面對既時候，
居然有出人意表既結局，
仲要係大團圓，真係一樂也！

其實好多事自己根本控制唔黎，
既然唔0係自己操縱範圍之內，
我又何苦傷神去諗？！
如果自己都唔能夠令自己開心，
甘點樣令身邊既人開心呢？
懂得放開既人先能夠真正擁有。

人雖然唔可以控制一切，
但係我地可以控制自己，
可以叫自己只記住開心既事，
我信每一個人都做得到，
我會努力去做，希望你都係！