2024-02-20 08:49:22Liu 靜娟
《遮爾要緊欲讀台語冊》
同學群組有人講伊買我六本《落西北雨的下晡》，也鼓勵逐家買。
有人講毋知影我出冊，我講因為是台語冊，讀起來較困難，才無佇群組內底「宣傳」；我一向是閉思*的人。
結果，一位佇洛杉磯的同學講台語好，台語重要，問我佇LA 有當買無？
我講我來問看覓；猶未等我問出來，伊講伊的查仔孫（姪女）已經買著矣，二月伊去美國會紮去予伊。
遮爾要緊欲讀我的台語冊，予我歡喜，也感動。這陣，逐家攏老矣，惜目睭，袂愛看冊；免講挑戰台語冊啊。
閉思：pì-sù，靦腆。
上一篇：《台語日常》 王梨酥是奢華物？
下一篇：《台語日常》我欽佩演員