阿叻呢一世人最有憧憬既地方。雖然我唔知道真正既巴黎鐵塔有幾大，不過以園內的縮水版黎講，呢個鐵塔係最Grand的。

尼加拉瓜大瀑布，係呢度影相都幾老危，Ｄ水係咁噴，影遲一陣部相機都濕曬

有恐龍腳印呀！個恐龍館真係。。好無聊

俾廿蚊人仔就可以登上鐵塔，某人咁恨，我又點會唔識做呢！你睇某人開心到。。

係塔上面真係高處不勝寒，又無人見到，玩下野先～事實上我唔敢係踩落去，又唔知踩左會點，你踩埋我果份啦！

你講，呢張相係咪有返少少女人味先？

  係塔尖望落去既世界之窗，其實真係幾靚。

係咪真係釣金魚咁巴閉先？

呢個反曬白眼既阿伯，我唔知佢係度做乜？

走ｌｕ，館外的地鐵站係羅浮宮，梗係要留影下。兩點入場，玩到六七點離開，中途除左食個緬甸甩粑外，幾乎全程都係行行行，但係我地根本都未行到一圈，日本區，金字塔呀都無乜點睇，就已經攰到好想走，你話中國幾地大物博丫

返７天酒店ｃｈｅｃｋ　ｉｎ，間房都幾啱我心水。如果有人要去世界之窗的話，強烈建議住呢間七天，因為佢距離世界之窗只有一個地鐵站，可以選擇返酒店掉低曬所有野先開始玩，或者玩累左要返酒店時都唔洗長途跋涉。而且酒店附近三更半夜仲有好多路邊攤，唔怕冷清唔安全，亦唔怕餓死。酒店房＄２４０，個廁所好鬼大，唔記得影。

酒店隔離有一間連鎖火鍋店叫野妹，感覺好似小肥羊的。唔係任食，係逐碟計錢的。未入去前，阿叻話野妹係咪即係野味，食咩可想而知。最後證實係佢想太多，只係食枱面所見既普通野，好鬼多人。佢既特色之一係店有掛有好多大紅燈籠，上面寫有好多謎語，估中有獎，有ｄ係十蚊現金券，有ｄ係兩碟肥牛咁。我地。。傻啦，點會同人爭呢？我地俾錢食野架麻～呵呵～我記得一個係＂踏破鐵鞋無覓處＂猜一商業用語，咁叻你猜俾我睇，不過我無答案係手喎！枱面係第一輪野食，我地叫左兩輪，再加兩罐汽水，埋單都只係６８蚊。

（網上圖片，我地無影到全景）

夜晚阿叻話要去船吧，去之前真係好鬼驚，因為佢話係網上睇到每張枱最低消費一千蚊人仔，點去呀？佢既外型真係靚到ｄｕｍ一聲，係出面睇已經知係高消費野，係門口莊下莊下，見到有唔少係兩個人飲野的，唔係兩個人下下都消費一千蚊卦？搏一搏坐低，餐牌奉上後，好彩，有散叫的，約八十蚊一杯雞尾酒，五十蚊一支細喜力，係貴過澳門，但都還好啦！我地叫左一支啤酒，三杯雞尾酒，埋單３００蚊。

船吧每一個廁格都有獨立的洗手盤，門後都有個男人，阿叻去果格有露底的男仔，我去果格就有個影我相既男仔，真係衰。

返酒店食埋宵夜後，第一日既充實旅程結束。涼都未沖就訓著左，累到爆既我地足足訓左十一個鐘。