事前我問，你想今年生日去多人熱鬧的地方，定係人少的地方？最後選擇左多人的地方．　

今日就係要去德國啤酒節，同Jason預祝生日！但係臨去之前，有人個肚唔舒服，但係都要慕住肚痛的危險去飲啤酒！（有咩事，唔關我事架！！）

第一次去呢個地方，連我自己都好興奮呀！比左入場費，一人就會攞到一隻杯，仲有一將啤酒卷，之後就要喺個場度自己見位就坐，因為實在好多人！好唔容易先搵到位，而且近表演台的位置，都一早比一啲公司團體book左，所以好似我地呢啲散客就要坐開啲～

搵到位就要買野食，情況有啲似嘉年華，有好幾個美食檔，全部賣德國美食，我地叫左一大大豬膝，同埋幾款腸食，真係兩個都食唔晒個豬膝，好大隻好多肉！

食飽飽，就係禮物時間，今年我準備的生日咭砌圖，哈哈！對面的外國人，見到Jason喺度砌，知道佢生日，仲同佢講生日快樂添！砌完生日咭，仲有神秘禮物，我送左"一對野"比佢，嘩哈哈！

最後我地仲行近表演台，睇Show，睇下人玩遊戲！

德國啤酒節，真係好好氣氛的～