對上兩個星期開始練返波，以為五月先有比賽，點知，原來喺兩個星期後的今日，得嗰兩個星期點會打得好，不過盡力啦！

今日一早八點半去到科大，啲球道又同我地上兩個星期練的唔同左，都啱的，因為台灣同馬來西亞的選手都來了，咁樣大家都會公平啲。而且天公不造美，不斷落住細雨，到差不多開賽嗰陣，仲愈嚟愈大雨添，好在我早有準備，帶左衫去換，不過就係無帶多條褲，幸好佢喺一條短褲。

大會亦都有派發便利雨衣比我地，可惜女仔只係可以分到件小童S碼，遮得個上身，我下半身依然要濕身。

天氣唔好，比賽都縮短，原本上晝打十二洞，下晝打十二洞，最後取消左十二洞。

下雨天氣，令我諗起早兩年喺泰國打比賽，又係落大雨，不過當時咩雨具都無，真正由頭濕到落腳，真係好難忘。

打完十二洞出嚟的成績，真的有點強差人意，但係台灣的選手真係好勁，甚至勁過我地好幾位教練添，發源地真係發源地。

打完波，食埋個飯就速速回家換衫換褲，因為晩上仲有節目，就係去睇新遊戲節目＜亮相＞，阿葛做主持，一定好好笑吧！所以特登叫埋愛麗斯同埋佢位哥仔一齊去，但係佢地遲左，miss左班巴士，如果自己坐車入又恐怕已經開show，所以我都係下次於攞過飛比你地，好過山長水又遠入到嚟無得睇。

阿葛真係好搞笑，雖然個game錄影都幾長，不過一啲都唔悶，但係我同事話比我聽，原來我地睇呢一場已經錄得好快。

其實個GameShow相信如果你睇過電視promote 都會知道，就係估一個陌生人的職業、背景、又或者喺成就等等。都幾考人觀察力同埋遊戲技巧，但係其中有啲人，只要你平時多啲留意時事新聞同埋身邊生活上的二三事，可能都會識得佢。

完Show之後，Jason的結論係，暫時係佢睇幾次節目中，最好睇的一次。

p.s.>>>>
其實各路男女英雄，如果你個人有咩特別經歴身份，或者背景，都可以成為被估嗰個，而且仲有一千蚊現金同埋一千蚊禮物添，有興趣可以搵我。