第一天
等了好耐，終於都到左呢一個日子，我地一行四人（我，Stephen，阿豬同阿聰）係中港城２：００集合，我就慘了，無啦啦比人（Stephen）話我好叫佢唔好遲到，原因係Stephen大個仔啦，初初拍拖了，同人地不離不棄，不過作為朋友的我，雖然情況剛剛同佢相反，不過我唔會變BT的，我會祝福佢地的．

一去到九洲港，我地就打的去酒店附近，佢地三個男仔坐後面，我一個人坐前面，我從未試過係大陸坐的士，要我坐前面的，幾咁驚呀～不過好彩無咩事發生．
到左之後，我地搵左一間咖啡店食左個tea，填一填個肚，順便等Gary５：３０放學來join我地，唔洗好耐，Gary 就來到了，而ka yen因為要返工，遲一班船入來，所以Vivian就去碼頭接ka yen，好快我地就去攞左房，放低野偈一偈～～之後，Gary的幾個朋友仔同埋ka yen都來了，Gary就帶我地去蓮花路行，男仔就去買下碟，我就無咩睇中，又有行下地下商場，個地下商場好大，好多野買，好似花園街呀～～好彩有人帶，如果唔係，我都唔知行左去邊．．．

之後，Gary就帶我地去珠海第二大推介的一間酒樓食野，又幾好食喎，價錢一定平過香港啦～但Gary話比我知，原來果度係當地高產去食飯的地方，嘩～我地好似好豪咁．食飽飽我地又再走去蓮花路個頭行下，本來仲有好多美食推介，不過因為實在太飽了，所以吃不消，唯有留返下次再去先食啦～
第一日就係咁行下食下就過了．．．返到去酒店，Stephen就走左入去toliet同佢的女朋友仔係度講電講，係門口出面都聽到佢地勁勁sweet la～～真係令人羨慕啊！
之後我地玩下啤牌，諗住飲D啤酒會好瞓D，點知仲死，玩到２點幾，４點幾D酒氣走晒，就醒左，眼光光等到７點幾，一個人無野好做，係咁諗野，好難捱～～～