琴日又發夢自己隻眼好累，累到睇唔倒野～
果個感覺好真好真，
就連起左身都覺得自己隻眼好累，

係個夢中又係係倒同人講，我擘開唔倒隻眼睇野，
而背景同上次一樣都係中學時代，
今次係夢中多左樣野，
就係同我個同學講話我唔咪一次係咁，
我成日都會出現呢個現象，
仲同佢講可能我隻眼會盲呢～

可能隻眼累係夢裡開唔倒眼睇野呢種感覺唔只一次，
所以係夢裡都記得之前都係咁，
真係連夢都有佢自己的記憶；

唔知係咪因為每日工作都係對住個電腦關係，
如果果排休息唔夠，
隻眼就會覺得好累好累，
加上我近視深又有飛蚊症，
所以我諗我都係要好好對下自己雙眼，
唔咪真係唔知佢老左會有乜野事；

星期日同友人去左書展，
因為友人關係有免費飛， ^^~
入場時，因為多人，友人仲想用PASS帶我穿過人群，
只係因為我覺得行唔通，佢唯有陪我排果條長長的人群入去，

入到去後行左好耐，
但因為我唔算一個讀書人所以毫無Target咁睇，
都有睇下有無長笛的書gei~
但係搵唔倒，
同埋我醒唔起應該搵下ｄ普通話考試書來睇睇，
不過呢個無睇都唔緊要，

因為友人職業病發作，
所以有去pageone到格價，
（而我就因為職業而對電腦書小左興趣...一.一"）
當佢格價的同時，我就去左睇我鐘意的design書，
其實我都幾鐘意design呢個stream的野，
只係因為我未讀過，所以我只能唔識咁睇睇下，

當睇到一ｄ造衫的書時，
係到幻想自己識造衫的話就好了，
可以造ｄ有style又fit返個身形既衫比自己，
同埋仲可以整埋友人的公主衫tim ar~
但係呢一刻只可以幻想，
因為我根本無學過整衫．．．

行到腳仔軟都無收穫，
（行到真係想跳隻Ballet鬆根．．．ｈａｈａ）
到最後好在友人都買左一本超底的小王子，
同拎左一個貓咪扇。

－－－－－－－－－－－－－－－－－－－－－－－－

”在我們的生活裡，必須有人讓我們樂於分享感覺，
我們才能有更多愛的感覺。”
　　　　　　　　　　　　　　　　　　<<男女大不同>>

原來女人的分享不是需要聆聽者去幫助解決，
而是需要一個真正的聆聽與真正被體會的感覺。