岩岩睇左某朋友仔的日記，佢做左一些傷害自己o既事，都知道佢之前有d事而唔開心，但係我冇諗過佢會做左呢d事，知道後都覺得有d心痛........ 暑假前，佢都仲有好多野會同我講，我都好樂意做佢o既聆聽者，開學後，其實都感到佢已經唔同左，係佢依家身邊o既朋友影響左佢？我都已經唔係好清楚，佢同我講o既野已經愈來愈少，只要佢願意講，我一定願意做佢o既聆聽者，我唔想失去身邊任何一個人，我唔捨得佢地會離我而去..............

自考左grade 8 piano 之後，我都好少會好認真咁起度練琴，係間中起返工有break個時會彈一陣。岩岩特登落左去琴行度租左琴室練左半個鐘，感覺都好生疏，技巧已經冇之前咁好，要再練返多d琴，好想可以快d盡快回復返昔日o既水準...........

今日去練琴o既呢間琴其實係我初初學琴o既個間，但係呢間琴行之後已經經歷左多次o既轉手，不過今日我入到去練琴，d 琴房o既裝修同之前係一樣架lor，只係加多一幅畫起度...~_~ 一樣係咁殘舊，同埋部琴係有d問題架lor，部琴o既琴鍵有大半已經唔再係白雪雪o既白色，而係好明顯咁睇到係黃色lor..........睇得出部琴都真係好耐歷史...............今日起度練琴，真燧諗返好多細個o既時候起度學琴練琴o既大事小事，諗起細個個時亞sir點樣教我，彈得差個時點樣俾佢鬧， 個時日日放學之後一定乖乖咁去練琴................. 以前，要做一件我想做o既事，我會好有恆心同毅力去做，但係依家我好似變左................究竟我依家仲可唔可以好似以前一樣咁堅持呢？

今日返工，俾個k3 o既小朋友激到我死，我都有向佢媽咪complain到，免得將來又將所有o既responsibility推哂去度，起依家o既呢個時間，我唔想放棄任何一個學生............... 哈哈~~我11月又收多個學生啦~~我要收多d，收多d~~~~有冇人要學琴呀，快d幫我介紹下啦~~~

同yan又講左大半個鐘電話，大家都互相向對方大吐苦水、教琴o既一些激氣事、搞笑事，笑死左~~ 哈哈~~ 仲有個字典機人起佢側邊嘈嘈嘈~~ enjoy talking with her very much~~ ^_^

我o既schdule又調到亂哂，聽日搞到上得一堂，但係星期日又係10點半到5點半冇停，慘慘慘...... 我又冇飯飯食...........帶定胃藥都得啦................

自從某天之後，以我印象中我每晚所發o既夢(如果有o既話)都係起校園發生，尋日又發左個起校園發生o既夢，好似情有獨鍾於呢個地方，可能呢段o既時間係我最開心o既日子掛，有太多好好o既回憶~~~

今日我o既朱古力癮又返返黎，食朱古力似乎會令我開心d............


p.s. 起市中度見到halloween o既佈置，好鍾意架南瓜火車~~^_^