2007-06-13 15:53:19TANOSHI
誰對誰錯﹖
到而家，從兩個當事人既角度去睇番成件事，其實，兩個都有錯，亦兩個都有對。
只不過立場定位唔同，至會搞成咁。
一）每個人處理感情既方法都唔同。有人鍾意明刀明槍，快刀斬亂麻；有人鍾意按部就班，慢慢培養；有人鍾意專同對方作對，令對方記得自己，有人又鍾意唔啋對方，怕自卑，等等等等.......各式各樣。唔好逼人要用自己對感情既一套做法，咁樣做，同控制人既思想有咩分別﹖
二）佢鍾意/唔鍾意同邊個玩，其他人無權阻止，就算真係佢女友都阻止唔到，何況係而家十劃都未有一撇既情況﹖同佢玩亦都唔會影響到佢鍾唔鍾意某個人，唔見得同佢玩佢會鍾意對方，所以呢個係兩樣野黎既。呢個 POINT 我經過兩個朋友分析過至終於明白到箇中既道理，多謝﹗亦都在此鄭重同表妹講聲：『對唔住﹗我唔會再出聲叫你唔好同佢玩架喇。』
至於另外既事，都係唔好講喇，我諗每個人都會有對對方既一 D 感受，我自己可能在各人既心目中，可能係好乞人憎都未定。『如果有咩不滿就講出黎』，我唔會係又講唔係又講，除非係忍無可忍。因為我唔想將『我咁樣講都係為你好』作為控制對方跟住自己一套方法去做人而作出來既藉口。對方唔係你屋企人，冇必要教你點做人，咪由得你去撞板，等個個人都唔鍾意你囉。NICKLE 你都話已經習慣左冇人理你，咁有冇諗過點解人地會咁樣對你﹖梗係要你自己做左某 D 事，人地至會咁樣，有因至會有果。
如果你真係諗唔到既話，睇到最尾啦。
三子：咁你地仲睇唔睇我地架﹖
私：睇睇睇，死人都逼黎睇。你地都要睇到我呀～～！
三子：（轉向司機）你仲唔快 D 開車車我地離開呢度﹖想死呀﹖
身兼司機既經理人：係係係﹗知知知﹗得得得﹗開開開﹗
三子：（轉向我）真係唔好意思喇，我地聽唔到你講野呀～～！到時見啦﹗
私：（食塵中）
上一篇：一週年喇﹗
下一篇：1 號戒備訊號現已懸掛
首先對唔住....煩到你真係唔好意思...
我都想盡快解決哩個問題!希望你唔好唔開心...
不過你中意聽又好唔中意聽又好....我都要講左先↓
我並冇要控制人的思想...唔好逼人要用自己對感情既一套做法....我冇咁做囉
我同佢講出我ge意見...
接唔接受,同做唔做都係人地自己做決定...我逼唔到ga
我講出我ga意見,人地未必會接受...
但起碼我講左...你唔接受...唔可以怪我
我知你係忍無可忍先會講ge人...
但當你忍無可忍先講...事情可能已經一發不可收拾
你應該明白果種"原來你對我咁多不滿ga?原來你係咁樣睇我ga?"果種發現真相後失望,失落ge感覺吧?!
『我咁樣講都係為你好』我從來都冇試過咁樣諗
我講野係想比人知道我ge感受而唔係要人地跟我一套做法
對方唔係你屋企人，冇必要教你點做人，咪由得你去撞板，等個個人都唔鍾意你囉....你係咪會見住三唔識七ge人去死都唔出聲?一定係屋企人先出聲?
你都話已經習慣左冇人理你，咁有冇諗過點解人地會咁樣對你﹖梗係要你自己做左某 D 事，人地至會咁樣，有因至會有果。
我想講好多時都唔係我ge錯!!!
你做左事一定會有人中意有人唔中意...好難全世界都滿意你....所以我話"慣了"ge意思唔係你諗咁樣...人地唔中意我ge理由往往係你估都估唔到ge無聊野....
其實好簡單 你一早同我講
你唔中意我係度自以為是指生晒我咪唔再出聲囉
多謝琳既留言，亦知道你點樣諗。
有朋友都話過我，好硬頸，自己覺得係咁就咁，唔會改變。
意見接受，態度照舊。
為免俾人話我多事，我都係唔再理喇。
做中間人真係仲痛苦過當事人…