今日因為 4 點要去到北角 INTERVIEW，所以瞓到成 12:30 至起身，同媽媽食埋 lunch（尋晚去酒樓做完節打包既芝士大蝦伊麵）、換衫、上網、SET 頭，2:30 出門口，諗住預半個鐘頭搵，時間會 MATCH 啦﹗點知……



出到北角地鐵站只須 3:10，好快就搵到港運城，隔離就係我要去既港運大廈（高級商貿大廈），望下錶，3:30，我未試過離見工時間仲有成半個鐘咁多，不過費事周圍盪，遲咗上去仲慘，於是就唯有入咗去先喇﹗

因為我今朝上網睇番 CLIPBOARD 時發覺冇寫過 RESUME 去北角架喎，不過我就搵到一間，冇寫公司名同地區既，我諗係呢間啩，之後 INTERVIEW 時，真係同我估既一樣。呢間公司都係做錶既，不過做合金錶啫，冇鋼錶咁耐用，同埋係次級 D 既，兩個字講晒： CHEAP 錶﹗佢猛咁問我，如果 SUPPLIER 成日拖期，你會點做﹖我事後諗番，可能而家做緊嗰個嫌佢跟唔到期，所以想炒佢﹗於是乎連公司名都唔 POST，怕俾呢個人查到想唔要佢啩﹗


人哋既嘢唔理喇﹗不過佢最後話俾我知會有 SECOND IN，如果 OK 既，兩個禮拜內會 CALL BACK，我心諗：駛唔駛咁耐呀﹖

見完都成 5 點喇，咁我就行一陣港運城，至坐電車落番去銅鑼灣等埋我個 FD 食 DINNER，期間去基督教商舖度見到個水晶擺設好靚，於是唔理銀彈短缺既情況下買咗喇，不過返到嚟，俾阿媽彈 D 字黑得濟，睇唔到，激死我，不過我知佢其實好開心，因為講既時候，“嘴角含春”哈哈，呢個詞真係好核突﹗

我今晚餐 DINNER 係唔駛我出錢﹗YEAH~~因為我個 FD，遲收工，成 8 點至走得。累到我喺 SOGO 一路睇住日文書，一路等咗佢個半鐘，仲凍到我流晒鼻水添。為表歉意，請我去咗沙嗲王食飯，真係好好好好好食呀~~~仲飲埋我最鍾意既茉香珍珠添﹗呵呵﹗

不過，聽日繼續 SEND RESUME 俾其他公司先﹗我要學 UTADA HIKARU（宇多田光）話齋：KEEP TRYING TRYING TRYING

w-inds.：好﹗支持你，加油﹗

私：我今日好攰呀，唔作文喇，不過多謝你哋支持啦﹗我瞓先喇﹗zzz......

w-inds.：（無奈）佢咁懶架﹗