又一次證明老細永遠大晒。

今日去左銅鑼灣「監督」禁毒電視宣傳短片既配音同收音機聲帶既錄音，成個過程都十分funny，我仲做左臨記，扮演左電視廣告既其中一把聲。正當大家辛苦左成個下午，終於將所有野錄晒，兼且已經剪輯同調校完畢，以為成個job終於大功告成之際，上頭打黎話有d濕聲野唔滿意要改，雖然大家其實都覺得唔改好d，但少少野，都係算啦，於是啦啦聲改左佢。

點知──最唔想既野終於發生：老細話個background音效要改！唔係嘛!?需知道個background係要配合成段廣告既片段而小心奕奕咁調校過，大家都覺得完全可以帶出個廣告既mood，你而家一句主觀既唔滿意，要人地搵過另一個background，重新整合過!?大家都無奈地灰了一頓，但同時亦意識到聖旨係唔可以違抗既。ok!!咪再搵囉，希望到時唔好搞到原本咁正既廣告，因為呢個background音效既改一改而大打折扣。

老細，你唔滿意，都同人商量下呀，話晒人地先係professional，點解只係憑一己既主觀感覺就將大家既心思斷送？我真係覺得好唔抵，雖然要再麻煩過既唔係我，但我真係好唔認同呢種專權既制度！